SUKI GUI 9:15 - Cho Bible Common Language 2016

¹⁵ Hing-kyam naw, “Kei cu nami ghangpughang ah akcang ah nami na hmoh hlü ah a kyak ung, kei ah hnim ung law ne nami ng’zii law vai. Cun ah kä nami kyak ung ka hlin ban gui ung ka mei lut law ne Lebanon sing gui cu ui yawp khai” cik ci.

SUKI GUI 9:15 Referans Kwoze

ISAIAH 30:2

Ngami cu kei kä na ng’shikca ah Egypt khaw ah h teit ne ng’hui ng’pa ci gui. Ngami cu Egypt naw ashungvong gui vai m’hni ci gui, cun ah kya ne Egypt Ghangpughang ung ami ngaih u nak ap ci gui.

HOSEA 14:7

Hnü ät mä ngami cu kei ah shungvong nak ung om ba khai gui. Ngami naw htang cu geit u sei, sapyit ah mäih ah m’theih khai gui. Ngami cu lebanon sapyit tui ah mäih ah ming thang khai gui.

ISAIAH 2:13

Ani naw Lebanon ung cedar ghing nu gui la Ba shan khaw ung oak sing avan cu m’di khai nei.

SUKI GUI 9:20

Kä cun ah a kyak ung, Abimelek ung ka mei tho law ne, Shekhem la Bethmillo ung chang gui cu ui yawp sä. Shekhem la Bethmillo ung chang gui ung ka mei tho ne Abimelek cu ui sä” cik ci.

DANIEL 4:12

A hnah gui cu kyom ci, am theih gui cu a ghing ung be ci — khomdek khan avan ungka naw a ei vai ah ng’büh ci. A cun ah ang hnin ung khisa gui ng’yii ci gui, ang ban gui ung kha gui ng’bu tuk ci gui, ak ghing nici naw a cun ah m’theih cu ei ci gui.

EZEKIEL 19:14

Sapyit ah a ghing cu mei naw ui ne, angban gui la am theih gui cu mei naw ui ne. Ang ban gui cu kä ghaam ba hlawt ci, mang ah ng’shopawng ah kä kia ba hlawt ci. Shin cu ng’äi kyak ah kyak ci; shin cu m’cu ba gäk gäk vai kyak ci.

ISAIAH 37:24

Hlüng pibäih ciah Lebanon khomhtung gui, na yatha gui avan awn na näng ah mawng khähghah nak vai ah na chang-shäim gui na tüi lawk ci nei. Nang naw a ng’shäi pibäih ah ceda sing ghing gui, akni pibäih ah m’htai ghing gui cu chu pit yawp ne, ak thuk nak pikbäih ah bungpuk ah na gawk awn na khähghäh ci nei.

SAM 104:16

Lebanon ah m’htai ghing gui naw kho akda aa sak ci cun cu Bawipa amät ah sing ghing, amät ah geit ah kyak ci.

2 GHANGPUGHANG GUI 14:9

Cun ung phi ghangpughang Jehoash naw shin ah m’hlan law ba ci: “Hnü ät ung Lebanon M’htung ah ng’hling cam naw cedar am ng’shä tüih ci: ‘Ka hta naw achu nak vai ah na hta hnumi cu na pe to ä” cik ci. Cun yah ung khisa law ne hling cam cu kai na dep dep ci.

KHEI NAK 21:28

Shin ah mang gaw Heshbon ungka naw Sihon ah gakap cu, mei ah mäih ah tho ne, Moab khaw ah Ara mang gaw cu m’di ci nei. Arnon alu täng khaw-gui gui cu han ui ci nei.

MATTHE 13:32

Cun ah anhta ui cu geit m’shi gui nüng ung yaw pibäih ci. Cun ung phi ng’lih pyo ne a ghing gong law ung, a ghing gui avan ung akdäm pibäih ah kya lawk ci. Cun ah kyasei khahta gui cu ang ban gui ung ng’bu tuk ci gui” ciah kyak ci.

EZEKIEL 31:3

Nang cu Lebanon ah Cedar sing ah mäih ah na kyak ci. Cun ah sing cu kyom ne ang ban gui awn hnim ci, Ng’ng’shäi aih ne khonmei han pha ci.

ISAIAH 1:31

Khuchawng cu mei m’ghi naw a uih ah mäih ah, huham mah aih ciah chang cu amät ah amshe nak naw m’di khai, cun ah m’dimshum nak cu a u naw kä ng’düm sak htawt khai.

SUKI GUI 9:49

Cun ah kyasei ak chang sing naw sing ban tu u ne; Abimelek cu läk ci gui, cun ah im khäng ung hnu ng’tuk khai ah sing pum ci gui. Ngami naw akyong ah om ci gui mah ah mei awn m’khih ci gui, cun ah kim nu ung om ciah chang ami van sik ci gui, ami van hnumi pami phia gha vai lawk ci gui.

SUKI GUI 9:14

Cun kawn ah sing-ghing gui ami van naw hling-kyam am, ‘Nang law ne, keimi ah ghangpughang ah kya ä’ cik ci gui.

SUKI GUI 9:16

Jotham naw k’täi ne pyen ne, “Cun kawn ah, nangmi cu Abimelek ghangpughang ah nami hmoh yah ung akcang ah yum nak la m’tam nak om ne ang? Kideon naw shüm vai ah abi gui cu nami chang m’sui ne ang, akyong chang gui mä abi awn khinkha khai ah nami m’htei ciah kya ne ang?

SAM 29:5

Bawipa ah aw naw cedar sing cu cheiuh ne, Lebanon kho ah cedar sing gui cun phi hnget sak ci nei.

SUKI GUI 9:44

Abimelek la akchang gui mang gaw m’kawt ngäng vai ah ang ghit ah ami hteh yah ung, a hei ng’bum goi naw loma ung chang gui cu tu gui u ne, ami van ngawn gui ci gui.

NG’ÄI KYAH 4:20

Ngami naw mi ghin nak ah a phung cu khäm ci gui. Bawipa naw aghü ah ghangpughang, ani cu na tu law gui phung ung na shungvong gui khai ah mi ng’ap nak ah kyak ci.