SUKI GUI 8:5 - Cho Bible Common Language 2016

⁵ Ngami cu Sukkoth ung gawk law u neta, ani naw gawnu ung om ciah chang gui am, “Nami bä ni, ka chang gui am m’htut api m’bei gui vä, ngami cu bawngbai ci gui ne, kei naw Midianit ghangpughang goi Zebah la Zalmunna cu kak täm goi ci nei” cik ci.

SUKI GUI 8:5 Referans Kwoze

ATÜNNAK 33:17

Cun ungka naw Jakob cu Sukkoth ah gawk neta, amät ah phäh ah im co ne, a seime gui ah phäh ah sei im co ci. Cun ung tün ne cun ah hmun cu Sukkoth ah mingthang ci.

SAM 60:6

A theing ciim hmun ung om neta Khanpughi naw, “Nängnak awn Shekhem cu ka k’bo khai, Sukkoth kho ng’nawi cu ka chang gui awn ka pe gui khai.

1 SAMUEL 25:18

Abigail naw ang ghit ah, m’htut pum phia goi, sapyit tui meh vun ng’ip goi ung ak be, htome m’ket pum hma, m’vapüm hlaw phei gha lei chih, sapyit ket soi phia, thei ket htun phia goi cu la ah khan ah taih ci.

THULÄÄN NAK 23:4

Egypt khaw ah ka nami law ba täng ah ngami naw tui la ei kä ning pe tu gui ci gui, ngami naw Beor ah hta Balaam, Mesopotamia khaw Pethora mang gaw ung ka cu ghüh u ne, nang mi ning tam sak ci gui.

ATÜNNAK 14:18

A hlüng pisäih ah Khanpughi ah taigüpa Salem ghangpughang Melchizedek naw m’htut la sapyit tui cu Abram ah law püi ci.

SUKI GUI 8:10

Zebah la Zalmunna cu ani gakap gui awn a täng ah Karkor ung om ci gui. Kiangma ung om ciah pakhui gakap avan ung ka 120, 000 cu ngawn gui u sei 15, 000 bäng pawih ba ci gui.

SUKI GUI 8:12

Midianit ghangpughang goi Zebah la Zalmunna cu dawng ci goi, cun ung phi Kideon naw gawt goi ne pha goi ci, ami gakap avan püipiang sak gui yawp ci.

SUKI GUI 8:15

Cun kawn ah Kideon naw Sukkoth ah chang gui ah hteit nea a pyen nak gui cu, “Kei nami na bawm tu vai ah nami ma te cu nami shüm bane ang? Zebah la Zalmunna kä ka pha goi phak ciah pyen ne bawngvai ciah ka gakap gui ei kä nami m’bei tuk khai ah nami pyen ci, Ngani cu shin ung nei! cik ci.

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.