SUKI GUI 8:33 - Cho Bible Common Language 2016

³³ Kideon asih kawn ah Israel chang gui cu Khanpughi ung kä bekhüt ba u ne, Baala cu khawihnah ba ci gui. Ngami cu ami khanpughi Baala awn thukhäm bi u ne,

SUKI GUI 8:33 Referans Kwoze

SUKI GUI 9:46

Shekhem imlung ung om ciah ami ng’vai gui ami van naw cun ah mawng cu ng’ya u neta, ami phyawn vai ah khäng htek ciah Baala-thukhän pum im kyong ah lut ne om ci gui.

SUKI GUI 9:4

Ngami naw Baala-ah-thukhäm pum im ung ka ngui chih-kip la u neta ani am pek ci gui, acun ah ngui awn ani naw chang pyai gui ng’vat gui ci.

SUKI GUI 2:19

Cun ung phi ami ng’vai gui a sih ah a kyak ung, chang gui cu cau ami om man ah ng’hlat ba ci gui. A yanä ng’shon ah ta sheka pi ci gui. Ngami cu a hei khanpughi gui khawihnah ne abi bi u ne, ami om k’she ami nawng vai ah mak ci gui.

SUKI GUI 8:27

Kideon naw ghui awn a gup pyang neta, amät ah ng’tüi nak ah gawnu, Ophrah ung tha ci. Israel gui ami van naw Khanpughi cu nawng u ne, acun ah a gup cu khawihnah vai ah hteit ci gui. Cun cu Kideon la akyong chang ah phäh ah cuun ah kyak ci.

SUKI GUI 2:17

Cun ung phi Israel gui cu ami ng’vai gui ah bek kä ngai ci gui. Israel cu Bawipa ung kä bekhüt ne, a hei khanpughi gui cu khawihnah ci. Ami pupa gui naw Bawipa ah thumkhän cu läk ci gui, cun ung phi shin ah ng’shon k’thai naw cun ah kä bi ba ci gui.

JEREMIAH 3:9

ani cu kä ng’aa oang ci. Ani naw khongleo lelawi sak ne, lung gui sing gui khawihnah ne, shemshai shetkat nak bik ci.

2 GHANGPUGHANG GUI 12:2

Ani naw a ghin ah chuih Bawipa ah yeikyai nak vai ah bik ci, a i ah kyasei ci ung taigü Jehoiada naw am m’cäii ah kyak ci.

SUKI GUI 9:27

Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

JOSHUA 24:31

Joshua a ghin yah a chuih ung Israel chang gui naw Khanpughi ah bii bik ci gui. Ani asih kawn ah phi ngami naw k’täi ne bik ci gui. Bawipa naw Israel gui ah khan ah a bi päng ami mät naw hmu tuk ciah ami ng’vai gui ami ghin ah chuih acun ah bik ci gui.

SUKI GUI 2:12

Ngami naw Egypt ah ka law püi ba gui ciah Khanpughi, ami pupa gui ah Khanpughi, Bawipa ami khawihnah nak cu nawng u ne, a mi pei yung ah om ciah chang gui ah ami khawihnah ah ami khanpughi gui cu tün ne khawihnah tuk ci gui. Ngami naw acun gui ah ma ah kawp u ne Bawipa cu m’lungshe sak ci gui.

SUKI GUI 8:32

Joash ah hta Kideon cu ghi law neta sik ci, ani cu Abiezer pahta gawnu, Ophrah ung apa Joash ah phuh hmun ung phuh ci gui.

JEREMIAH 23:27

Ami pupa gui naw kei na m’hnih u ne Baala täng ah ami ng’hlah ah mäih ah, ngami naw ami mang ami m’thein gui phäh ah ka chang gui naw kei na m’hnih khai gui ah ngai ci gui nei.

SUKI GUI 3:7

Israel chang gui naw Bawipa cu ami khanpughi ah m’hnih ci gui, ani hnu ng’tuk püi ne sheka u ne, Baala la Asherah ah gup gui cu khawihnah ci gui.

SUKI GUI 10:6

Israel gui naw Baala la Astarte gui khawihnah u ne, Bawipa cu hnung’tuk püi ne cheishoh ba ci gui, ngami naw Siria, Sidon, Moab, Ammon la Philistia gui ah khanpughi gui phi khawihnah ci gui. Ngami naw Bawipa cu nawng ne, kä khawihnah ba ci gui.