SUKI GUI 8:30 - Cho Bible Common Language 2016

³⁰ Ani ung a hta chih-kip lawk ci, a i ah kyasei ci ung ani naw akda chu nak ci.

SUKI GUI 8:30 Referans Kwoze

SUKI GUI 9:5

Ani cu apa im, Ophrah ah hteit neta, lung tumat ah khan ah aphäi nau gui chih-kip, Kideon ah hta gui cu ngawn gui ci. Cun ung phi Jotham, Kideon ah hta ak hmaw pi cu ng’thup pei sei kä ngawn tuk ci.

SUKI GUI 9:2

“Shekhem chang gui am ami m’thein gui vai cu, “A i ang nami ghü kaw? Kideon ah hta chih-kip avan ah uknak ang? Käcung tumat bang ah uknak ang? Nami shüm ba vai cu Abimelek cu ami mät ah si la sa ah kyak ci nei” cik ci.

1 GHANGPUGHANG GUI 11:3

Solomon naw manghta phia chih chu nak ci, cun kawn ah a chu ba phi phia thum lawk ci. Cun gui naw ani cu Khanpughi ng’hlah ta sak ci gui,

THULÄÄN NAK 17:17

Ghangpughang naw akda kä akchu nak vai, a i ah kyasei ci ung acun naw ani cu Bawipa ungka naw dawng sak khai. Ghui la ngui awn amät ang bühmang vai ah kä ah bi en vai.

MALAKHI 2:15

Ani awn pum ät, mümcha ät ah Khanpughi naw ning tüi pyang ciah kä kya ne ang? Shin ung Khanpughi ah ng’bü nak cu a i ang? Cun cu Khanpughi ah chang akcang ah kyak ciah nami hta nau vai ah hmawk ah kyak ci. Cun ah kyasei nangmi ungka a u naw phi a chu ah khan ah a shaitak kä am shet en vai ah nami bi vai nei.

2 GHANGPUGHANG GUI 10:1

Ghangpughang Ahab ah a hta ng’shon gui chihkip lawk ci gui, Samaria mang gaw ung om ci gui. Jehu naw ca tumat gu neta, mang gaw uktu gui, gawmah ng’leimah ng’vaihta gui, Ahab ah htangshon m’htei ciah chang gui am tei gui ci. Cun ah ca ung:

SUKI GUI 12:14

Ani ung a htapa phli kip la a hta ah hta thum kip om ci, ngami cu ng’sela chih kiip ung ng’cum ci gui. Abdon naw Israel gui cu kum cheit ung matawn gui ci,

SUKI GUI 12:9

Ani ung a hta pami thum kip la a hta hnumi thum kip om ci. Ani naw a hta hnumi gui cu apa hei cei na sak gui ci, a hta gui naw ami chu nak vai ah apa hei ung ka hnumi hta htum kip lak pe gui ci. Ibzam naw Israel gui cu kum chih ung matawn gui ci,

SUKI GUI 10:4

Ani ung a hta thum-kip om ci, ngami cu ng’sela thumkip ng’cum ci gui. Ngami naw Kilead khaw ung mang gaw thum-kip uk ci gui, cun gui cu tuh güt Jaira pigaw gui ah pyen ci gui.

PHYAWN NAK 1:5

Jakob ah hta ng’shon gui ami van cu chih kip lawk ci gui. A hta Joseph cu Egypt khaw ah ana om ci.

ATÜNNAK 46:26

Egypt khaw ah hteit ciah Jakob ah hta ng’shon ami van cu, a hta gui ah chu gui kä khei tu ah chuk kip la chuk lawk ci gui.

ATÜNNAK 7:7

Noah la akchu ni, a hta gui la a hta gui ah chu gui cu, tuiyiin phyawn nak khai gui ah htinpaw im kyong ah lut ci gui.

ATÜNNAK 2:24

Cun ah kyasei pami naw anu la apa nawng shüt ne, akchu cu ng’pungkhah püi sei, ngani cu tumat ah kya lawk ci goi.

SUKI GUI 8:31

Ani ung Shekhem ah phi akchuba om ci; ani cu pami tumat ah hta ci, aming cu Abimelek ah sui ci gui.

SUKI GUI 9:18

Cun ung phi tuhngawi nangmi naw kapa ah kyong chang cu ng’hlat ne nami hnu ng’tuk püi ci nei. Nangmi naw a hta gui, chih kip cu lung tumat ah khan ah nami ngawn ci, Abimelek, akchang sham hnumi awn ani hta cu Shekhem ghangpughang ah nami hmoh ci.

SUKI GUI 9:1

Kideon ah hta Abimelek naw anu ah mät yah gui ami van ah om nak Shekhem gawnu ah hteit neta, a pyen nak gui cu,