SUKI GUI 8:27 - Cho Bible Common Language 2016

²⁷ Kideon naw ghui awn a gup pyang neta, amät ah ng’tüi nak ah gawnu, Ophrah ung tha ci. Israel gui ami van naw Khanpughi cu nawng u ne, acun ah a gup cu khawihnah vai ah hteit ci gui. Cun cu Kideon la akyong chang ah phäh ah cuun ah kyak ci.

SUKI GUI 8:27 Referans Kwoze

SAM 106:39

Ngami cu ami mät ah bi awn ami mät kä ng’ciim sak u ne, Khanpughi ung kä bekhüt ci gui.

SUKI GUI 18:14

Laish ah khaw vein gung khaw shui vai ah hteih ciah chang hma naw ami paw gui am, “Shiah im tumat mat ung, sing awn pyang ne, ngui awn vook ah a gup nami hmat ne ang? Cun kawn ah a hei a gup la khingzin phi om khai. Keimi naw a i kami bi ung bä khai ah nami ngai ne ang?” cik ci gui.

SUKI GUI 17:5

Cun ah chang Mika hung a khawihnah nak ah hmun om hnga ci. Ani naw a gup gui la khingzih cu pyang ne, ahapa tumat cu taigü ah m’düih ci.

SUKI GUI 18:17

Taigü gui cu gakap phia chuk awn a täng ah m’kawt pei ung ami ng’düih yah ung Sübük chang hma cu im kyong ah k’täih ne law u ne, sing at ne ngui awn vook ne pyan ah a gup la a hei a gup gui, la khingyih cu lak ci gui.

THULÄÄN NAK 7:16

Bawipa nami Khanpughi naw nami huham kyong ung a tha ah pakhui päng cu nami m’di vai. Chimgein nak api phi kä nami m’dang en vai. Ngami ah khanpughi gui kä nami khawihnah en tu vai. Cun cu sih nak ü awng ah kyak khai.

SUKI GUI 6:24

Kideon naw acun ung Bawipa am soukiang cawh pen eta ang ming a sui cu, “Bawipa cu Dimdeeih nak” ciah kyak ci. (Cun cu Ophrah ung tuhgüt ng’düi ci, cun cu Abiezer pahta ah ka ah kyak ci.)

PHYAWN NAK 23:33

Cun ah chang gui cu nami khaw ung kä nami om tu sak gui vai. Nami om tu sak gui ung kei nami na katnak vai ah ning bi sak gui khai gui. Ami khanpughi gui nami khawihnah tu ah a kyak ung, nangmi ah phäh ah m’hling ung ng’awk ne sih ah kyak khai” cine Moses am pyen nak ci.

HOSEA 2:2

Ka hta nau gui, nami nu cu pyen ah vä — ani cu kei ah chu ah kä kya ba ci, kei cu ani ah cei ah kä ka kya ba ci. Pletbeng nak la pawmyau nak cu kä a bi ba vai ah pyen ah vä.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

SAM 73:27

Nang ung ng’shawng ne om ci gui cu nang naw na m’di gui khai; nang ung kä bekhüt ci gui cu nang naw na m’di gui khai.

SUKI GUI 6:11

Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

THULÄÄN NAK 12:5

Nami pakhui gui avan ah khopäng ah akpung ahBawipa naw hmun tumat cu ghü khai, acun ung chang gui naw ama ah law ne khawihnah lawk khai gui.

THULÄÄN NAK 7:25

Ami ngui ghui gui cu nami m’khih vai. Acun ung om ciah ngui ghui gui cu kä nami ng’yak hlü vai. Nami mät ah kaa vai ah kä nami lak en vai. Nami lak ah a kyak ung sih nak vai kya hning ci. A i ah kyasei ci ung Bawipa naw a gup cu thüi nak ci.

SUKI GUI 8:26

Ghui hnga-naak gui Kideon naw a gah cu pit phli-kip vai lawk ci, acun ung cüiche gui, äh awi gui, la Midian ghangpughang gui ah awi ng’vai sui k’ni gui, ami kalauk gui ah hnü ung ami m’awi ah sampai gui kä pa ci.

SUKI GUI 8:28

Midianit cu Israel gui naw ami hnim pyi ah kia ne kyin kyawk vai ah kä kya ba ci. Cun ah khaw cu Kideon a sih ung khüt ne khokum phli-kip ung dimdeeih ci.

PHYAWN NAK 32:4

Ani naw hnganaak gui la ne tui khai ah shong ne lawi neta vantang ah ghui gup cu pyang ci. Chang gui naw, “Israel gui aw, shin cu mi Khanpughi, Egypt khaw ah ka na law püi ba gui ci” cik ci gui.

PHYAWN NAK 34:16

Nami hta gui phi a cun ah akhohei chang hnumi gui awn ng’chungla khai gui, ngami naw kei ung kä bekhüt nak vai ah lam m’shüm gui ne, ami khoshe khanpughi gui cu khawihnah sak gui khai gui.

SUKI GUI 2:2

Nangmi naw Shin ah khaw ung om ciah chang awn api ah phi thukhän kä nami bi vai. Nangmi naw ami sowkyang gui cu nami phyet vai kyak ci. Cun ung phi ka pyen ah mäih ah nangmi naw kä nami bik ci. Nangmi naw hnu ng’tuk khai nami bik ci!

SUKI GUI 2:3

Cun ah kyasei nangmi nami kai law ung phi shin ah chang gui cu kä ka k’täm gui khai. Ngami cu nangmi ah ga ah kyak khai gui, ngami naw ami khawihnah ah khanpughi gui cu nangmi ah phäh ah cunnu ah kyak khai.”

SAM 106:35

Cun ung phi ngami awn ng’chu ng’la u ne, akshe ami yum nak cu läk tuk ci gui.

EZEKIEL 7:20

Azan läi kyom ciah ami pyü lung awn khähghah man ci gui te, cun ung phi ngami naw cun gui cu shemshai ciah a gup gui pyan nak ung mang ci gui. Cun ah kyasei Bawipa naw ami khawh cu ami mät ng’nawk sak gui khai ah bik ci.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.