SUKI GUI 8:23 - Cho Bible Common Language 2016

²³ Kideon naw, “Kei cu nangmi ah uktu ah kä ka kyak khai, ka hta gui phi kä kyak khai gui. Bawipa cu nangmi ah uktu ah kyak khai nei” cik ci.

SUKI GUI 8:23 Referans Kwoze

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

1 SAMUEL 12:12

Cun ung phi Ammon ghangpughang Nahash naw ning tu law gui khai ah hmu u neta, nangmi naw nami ghangpughang ah, Bawipa cu nami hnu ng’tuk püi ci, cun kawn ah kei ah ma ah, “Na uk gui khai ghangpughang kami ng’ya hlük ci” nami cik ci.

1 SAMUEL 10:19

Kei cu nami na Khanpughi, nami khüikha nak la nami geinvai nak avan ung ka ning hun gui ci, cun ung phi tuhngawi nangmi naw na hnu ng’tuk püi u ne, ghangpughang ka ning pek gui vai ah nami na k’thäh ci. Cun ung bä aih khai, nami van a täng ah pakhui ah si, pa ng’pai ah si ah, Bawipa ah ma ah nami ng’bum vai” cik ci.

2 KORIN 1:24

Nangmi naw a i nami yum vai ah ning k’bäi gui ah kä kyak ci, nangmi ah yum nak cu khäng ciah kami hmat ci. Keimi naw nangmi ah yeikyai nak vai ah nangmi awn a täng ah kami bi ah kyak ci.

1 PETER 5:3

Nami kut ung ng’ap ci gui uk vai ah kä nami tha nak vai, htomebum ah thei tu vai ah nami om vai.

SUKI GUI 10:18

A cu ah chang gui la Israel pakhui gui ung ami ng’vai gui cu ami mät ng’thu u ne, “Ammonit gui awn ng’tuk law ung a u naw matawn khai ang? Matawn ciah chang cu Kilead khaw ung changpäng ah ng’vai ah kyak khai nei” cik ci gui.

SUKI GUI 2:18

Bawipa naw Israel am ang vai tumat a pek pang ung, cun ah ang vai a ghin ah chuih Bawipa naw ani cu n’htei ne, chang gui phi ami ga ah kut ung ka hun gui ci. Ngami cu ng’ho ei nak, aktä yaica nak la shedam nak ung ami gawk yah ung Bawipa naw chimgei gui ci.

ISAIAH 63:19

Nang cu keimi ah uktu ah kä na kyak ciah mäih ah, keimi cu nang ah chang ah kä kami kyak ciah mäih ah, na na om püi gui ci nei.

SUKI GUI 8:22

Cun kawn ah Israel gui naw Kideon am, “Nang naw Midianit gui ah kut ung ka, na nah un gui ci kyasei, nang naw na na uk gui vai nei, nang ah hta ng’shon naw a na uk gui vai nei,” cik ci gui.

SAM 10:16

Bawipa cu ng’shon ng’län ung ghangpughang ah kya ci, A hei khawihnah ci gui cu akho ung maih sak gui khai.

SAM 149:2

Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;