SUKI GUI 8:21 - Cho Bible Common Language 2016

²¹ Zebah la Zalmunna naw Kideon am, “Law ä, namät naw na ngawn gui ä, Ang vai ah bi cu ang vain aw abi vai ah kyak ci nei. Cun ah kyasei Kideon naw ngawn gui neta ami kalauk ah hnügawn ung ami cüiche nak gui cu lak ci.

SUKI GUI 8:21 Referans Kwoze

SAM 83:11

Oreb la Zeeb ah khan ah na bi ah mäih ah ami ng’vai gui ah khan ah na bi ah mäih ah uk ci gui cu na tuk gui vai nei,

ISAIAH 3:18

Jerusalem ung hnumi gui naw chang ah ami ng’shei nak gui phung Bawipa naw a lak nak vai ah a khin gawk lawk ci nei — sui awi gui ah kyak ciah ami khaw ungka, ami lu ungka ami hnü ungka gui,

SUKI GUI 8:26

Ghui hnga-naak gui Kideon naw a gah cu pit phli-kip vai lawk ci, acun ung cüiche gui, äh awi gui, la Midian ghangpughang gui ah awi ng’vai sui k’ni gui, ami kalauk gui ah hnü ung ami m’awi ah sampai gui kä pa ci.

THU PHLAAN 9:6

Cun ah chaa hma ah kyong ung chang gui naw sih nak vai shui khai gui, cun ung phi kä hmuk khai gui, ngami cu si hlük khai gui, cun ung phi sih nak naw lek gui khai.

SAM 83:1

O Khanpughi, kä dim düt en ä; kä kuap düt en ä, kä om düt en ä!

1 SAMUEL 31:5

Cun ah chang nong naw Saul a sih cu hmu neta, a khim phawng ne, amät ng’tawk ne Saul awn a täng ah si tuk ci.

1 SAMUEL 31:3

Ami ng’tuk nak cu Saul ah pei yung ah chün la ci, amät phi ga gui ah m’la chuh seih aknui ah leim bai ci.

SUKI GUI 9:54

Ani naw ang ghit ah ani ah li-chim kawt ciah chang nong tumat cu khü neta, “Na khim yu phawng ne, na ngawn ä. Hnumi naw ana ngawn ah chang naw a pyen vai kä ka ng’ya hlük ci nei” cik ci. Cun ah kia khäta chang nong naw k’dauh sei ani cu sik ci.

SUKI GUI 8:20

Cun kawn ah ani naw a hta ng’vaipi Jether am a pyen nak cu, “Düi law ne ngawn gui ä!” Cun ung phi ak hmaw naw akhim kä phawng ci. Ani cu shokshü ci, a i ah kyasei ci ung ani cu hmaw ciah kyak ci.

SUKI GUI 8:22

Cun kawn ah Israel gui naw Kideon am, “Nang naw Midianit gui ah kut ung ka, na nah un gui ci kyasei, nang naw na na uk gui vai nei, nang ah hta ng’shon naw a na uk gui vai nei,” cik ci gui.

JOSHUA 10:26

Cun kawn ah Joshua naw ghangpughang gui cu ngawn gui ne, sing ghing hma ung tai gui sei, ami pumsa cu mühun güt acun ung om ci.

SUKI GUI 15:12

Ngami naw, “Nang kami ning khit khai ah shin ung kami lawk ci nei, cun kawn ah ngami am kami ning ap khai nei” cik ci gui. Samson naw, “Nami mät naw kä nami na ngawn vai ah mawng thumkhän na pe vä” cik ci.

SAM 83:12

ngami cu, “Khanpughi ah khaw cu gut ne mi khaw nak khai nei” cik ci gui ah kyak ci.