SUKI GUI 8:18 - Cho Bible Common Language 2016

¹⁸ Cun kawn ah Kideon naw Zebah la Zalmunna cu ng’shi goi ci. Tabor ung nami ngawn gui ah chang gui cu a i hawk cha ang?” Ngami naw m’shang ne, “Ngami cu nag ah mäih lawk ci gui, ak chang sing cu ghangpughang ah hta ah mäih lawk ci gui.”

SUKI GUI 8:18 Referans Kwoze

SUKI GUI 4:6

Hnüüp ät ung ani naw, Naphtali khaw, Kedesh mang gaw ung ka Abinoam ah hta Barak cu tüi neta, “Bawipa Israel ghangpughang naw shin ah thumkhäm ning pe gui ci: ‘Naphtali la Zebulun pakhui ung ka chang phia phia la neta Tabor m’htung ah hteh püi gui vä.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

SAM 89:12

Nang naw htum la siip cu na tüisho ci; Tabora la Hermon m’htung naw yeikyai ne ng’äi ning m’cu ci goi nei.

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

SUKI GUI 8:5

Ngami cu Sukkoth ung gawk law u neta, ani naw gawnu ung om ciah chang gui am, “Nami bä ni, ka chang gui am m’htut api m’bei gui vä, ngami cu bawngbai ci gui ne, kei naw Midianit ghangpughang goi Zebah la Zalmunna cu kak täm goi ci nei” cik ci.

SUKI GUI 8:17

Ani naw Penuela ung tänghän cun phi phyen neta, cun ah mang gaw ung chang gui ngawn gui ci.

SUKI GUI 8:19

Kideon naw, “Ngami cu kei ah phäi nau gui nei, kanu ah hta gui nei. Kei akcang ah ka ng’taam ci, ngami kä nami ngawn gui vai sü ung, kei naw kä ka ning ngawn gui khai süte” cik ci.

SUKI GUI 4:12

Sisera naw Tabor m’htung ah Bazak a hteh cu ng’ya neta,

2 GHANGPUGHANG GUI 1:7

Ghangpughang naw, “Cun ah chang cu a u ah mäih ang?” cik ci.