SUKI GUI 8:10 - Cho Bible Common Language 2016

¹⁰ Zebah la Zalmunna cu ani gakap gui awn a täng ah Karkor ung om ci gui. Kiangma ung om ciah pakhui gakap avan ung ka 120, 000 cu ngawn gui u sei 15, 000 bäng pawih ba ci gui.

SUKI GUI 8:10 Referans Kwoze

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

2 GHANGPUGHANG GUI 3:26

Moab ghangpughang naw ng’tuk nak ung a shum law cu hmat neta, khimcem kawt ciah gakap phia chih cu ghü ne, a ga gui cu güt gui ne dawng ne phyawng ne, Siria ghangpughang ah gawk vai ah k’tha nak ci, cun ung phi kä m’khüt hlawt ci.

SUKI GUI 20:46

Acu hnüüp Benjaminit phya, phya m’ku lei hma cu ngawn gui ci gui, ami van cu m’gäi ciah gakap ah kyak ci.

SUKI GUI 20:35

Bawipa naw Israel gui am Benjamin gakap näng nak vai pe gui ci. Israel gui naw cu hnüüp ung ami ga 25, 100 ngawn ci gui,

SUKI GUI 20:25

Acun ah a hnih vei nak ung Benjamin gui cu Kileah ung ka lut law u neta, Israel gakap phia phia gha lei cheit ngawn ci gui.

SUKI GUI 20:17

A hei Israel pakhui gui naw gakap 400, 000 m’thei gui ci gui.

SUKI GUI 20:15

Ngami naw cun hnüüp ung ami mang gaw gui ung ka gakap phia, phia m’ku lei chuk khü ci gui. Cun ung ka, Kileah mang gaw chang, ak eng ah ng’hlawi ci bang phia chih cu ghü ne k’bum ci gui. Ngami ak chang sing cu yaili awn lumu ma ät phi kä ng’chei khai ah kap hning ci gui ah kya ci.

SUKI GUI 20:2

Israel pakhui avan ah ami ng’vai gui cu Khanpughi ah chang gui ami bum nak ung om ge ci gui, cun ung khaw awn hteit ne ng’tuk khai gakap 400, 000 lawk ci gui.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

2 SHONTÄP NAK 28:8

Judean chang gui cu ami paw gui ah kya pang u sei phi, Israel gakap gui naw hnumi gui la a hmaw gui 200,000 cu pha gui u ne, Samaria ah hteh püi ba ci gui, cun cu ami guttep gui akda mah mah ah kyak ci.

2 SHONTÄP NAK 13:17

Abijah la a gakap gui naw Israel gui cu ak ghuih ah tu gui u ne-Israel gui ah gakap aknipi 500,000 vai cu ngawn ci gui.

SUKI GUI 7:22

Kideon ah a chang gui naw ami phyung puuk ami tum yah ung, Bawipa naw ga gakap gui cu ami mät ah khim awn ami mät ng’tuk sak gui ci. Ngami Zarethan täng ah dawng u ne, Beth Shithhah ah khüt ci gui, Tabbath ah pei Abel meholah ah phi khüt ci gui.

SUKI GUI 6:5

Ngami cu ami vuhchah gui la ami im gui am lawk ci gui, khanpeh ng’nawng ah mäih ah da ci gui. Ngami la ami kala-uk gui kä khei tai vai ah da ci gui. Ngami cu law ne cun ah khaw cu m’dimshum cu gui.

SUKI GUI 8:11

Kideon cu Nobah la Jokbehah ah akiang, ng’kyang ma ah ak cawi, lam k’täi ung heit neta, ga gui ah gakap gui cu ang ghitah tu gui ci.

SUKI GUI 7:13

Kideon naw gawk neta, chang tumat naw a teihpüi am ang mang ana m’thein tu sei ng’yak ci. Ani naw a pyen cu, “Barly-awn pyan m’htut pum tumat cu mi phung khan ah ng’täng law ne, phung tumat yuk pah hlit sei, cun ah phung cu ng’gäi ne m’dekung ng’phah sei, ka ng’mang nak ci” cik ci.