SUKI GUI 8:1 - Cho Bible Common Language 2016

¹ Cun kawn ah Ephraim chang gui naw Kideon am, “Midianit gui na tuk gui vai yah ung a i ah kyasei kä na na khü gui ang? A i ah kyasei shin cha ah na na kyak nak gui ang?” cine ana pyen nak ci gui.

SUKI GUI 8:1 Referans Kwoze

2 SAMUEL 19:41

Israel chang van ghangpughang ah hteit neta ami pyen nak cu, “Bawi mang, a i ah kyasei, kami phäi nau gui, Judah chang gui naw, ngami naw va ami ning lak ba vai, nang, na kyongchang gui la na chang gui, cu ngami naw Jordan kah nak ung va ami ngäng m’htei vai ah ami ngaih ang? cik ci gui.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

SUKI GUI 8:2

Cun ung phi ani naw, “Kei naw ka bi hning cu nang mi ah bi awn m’tumtäng vai kä kyak ci nei. Nangmi Epraim chang gui ah bi a pihta cu kei ah pahta avan naw kami bi ah mä bä tu ba ci nei.

NG'THU K'THUUK~ 15:1

Ng’awigi ciah ng’thu naw m’lung dim sak ci, thu ashe naw m’lung so sak ci.

HOSEA 13:1

Cau läi, Ephraim pakhui gui naw ng’thu ami pyen ung ahei Israel pakhui gui naw kyih ci gui. Ngami naw Ephraim cu han dan ci gui. Cun ung phi cun ah chang gui naw Baal khawihnah u ne kat nak ami bi ah phäh ah ngami cu sik khai gui.

2 SAMUEL 19:42

Judah chang gui naw, “Ka mi bi hman ci, a i ah kyasei ci ung, ghangpughang cu keimi ungka ah kyak ci. A i ah kyasei cun naw nami m’lung a shet sak ang? Ani naw ei vai na pe gui ne ang? a i bawta na pe gui ne ang?