SUKI GUI 7:22 - Cho Bible Common Language 2016

²² Kideon ah a chang gui naw ami phyung puuk ami tum yah ung, Bawipa naw ga gakap gui cu ami mät ah khim awn ami mät ng’tuk sak gui ci. Ngami Zarethan täng ah dawng u ne, Beth Shithhah ah khüt ci gui, Tabbath ah pei Abel meholah ah phi khüt ci gui.

SUKI GUI 7:22 Referans Kwoze

1 GHANGPUGHANG GUI 4:12

Ahilud ah hta Baana: Mang gaw gui: Taanach, Mekiddo, la Beth Shan ah pei ah khawpäng avan, Zarethan gawnu pei, Jezreela gawnu ah a htumtäng Abel Meholah la Jokneam mang gaw ung khüt ci.

2 SHONTÄP NAK 20:23

Ammonit gui la Moabit gui naw Edomit gui cu tu gui u ne m’di gui ci gui, cun kawn ah ami mät ak hnu ah ng’tuk ci gui.

1 GHANGPUGHANG GUI 19:16

Nimshi ah hta Jehu cu Israel ghangpughang ah hmoh ä, Abel Mehola ungka Shaphat ah hta Elisha cu nang ah hnün ung prophet ah kya ba khai ah hmoh ä.

JOSHUA 6:20

Cun ah kyasei taigü gui naw phungheng tum ci gui. Chang gui naw cun ami ng’yak vai am, ang shan ah m’lau ci gui, cun ung mang gaw paang cu pyawn ne kya lawk ci. Gakap gui avan naw khogui ung khüt sei, mang gaw ung lut ne khäm ci gui.

ISAIAH 19:2

Bawipa naw pyen ci, “Kei naw Egypt khaw kyong, ung ng’tuk ng’tuk sak gui khai. Ng’längna na ciah mang gaw gui cu humat latumat ng’tuk khai gui, ng’längna na ciah ghangpughang gui cu huham ng’cuh khai gui.

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

SAM 83:9

Kishon tuilawng pei ah Midianites, Sisera la Jabin ah khan ah na bi ah mäih ah n gami ah khan ah na bi vai nei.

JOSHUA 6:16

A chih vei nak ami vein law ung taigü gui naw phyungheng tum u sei, Joshua naw a chang gui ami m’lau vai ah thukbäi ne a pyen cu, “Bawipa naw mang gaw ning pe gui ci nei!

JOSHUA 6:4

Taigüpa chih cu phyungheng kawt bäng bäng u ne, Thukhän M’küm ah ma ung ami hteh vai. A hnüüp chih hnüüp ung nang la na gakap gui naw mang gaw cu chih vei nami vein vai. Cun yah ung taigüpa gui naw phyungheng tum khai gui.

2 KORIN 4:7

Cung ung phi Mumcha khawh mi m’küm ciah mikmi cu, m’dek am düt ah mäih mi lawk ci kyasei, mikmi ung uknak ah hlüngtai nak kä om ci, Khanpughi bäng ung vah om ci.

1 SAMUEL 18:19

Cun ung phi Merab cu David am ami pek vai a khin gawk law ung, a hei pami Meholah ah ka Adriel am pe tuk ci gui.

EZEKIEL 38:21

Kei naw Kok cu leigai a hlü hlü awn ka kyih sak khai. Kei, uktu Bawipa naw ka pyen nei. Ani ah a chang gui cu ami khimsem gui awn tumat la tumat ng’tu tuk khai gui.

HABAKKUK 3:14

Na m’la naw gabawi cu kaang ci nei, na k’phyitpai gui khai ah khokhi nu ah mäih ah a law yah ung. Dukhaih ci gui shedam nak ciah mäih ah teng m’shuk ci nei.

HAKKAI 2:22

uknak khaw gui avan lat ne, ami huham ka ng’pyi sak khai. Ng’hlee gui la kaih ci gui ka lat gui khai, ami ng’se gui sik khai gui, ng’cuum ci gui ng’ngawn tuk khai gui.

JOSHUA 3:16

tuinu cu kä long ba ne ng’düm ne hang bäm ci, Zarethan ah pei, Adam mang gaw güt ah hang li ci. Tuisen tuinu ung yu kyum ciah tuinu cu pit ne sün sei, chang gui cu Jerikho pei ah va kai ci gui.

ISAIAH 9:3

Nang naw dämduh ciah hüithaw nak na pe gui ci nei, BAWIPA; Nang naw na yeikyai sak gui ci. Chang gui naw ami geit ami khäm ung, kä cun ung ami guh tep ah khawh ami ng’pai ung ami yeikyai ah mäih ah, Ngami cu nang ah bi nak ung hüithaw ci gui nei.

ZEKHARIAH 14:13

Cun sangung Bawipa naw ng’caw ng’cam kyihkyawk sak gui sei, a chang päng naw a paw tu that sei ng’toh ng’pah khai gui.