SUKI GUI 7:15 - Cho Bible Common Language 2016

¹⁵ Kideon naw cun ah chang ah ng’mang la mang akplan cu ng’ya neta, m’khuuk khodong ne Bawipa cu khawihnah ci. Cun kawn ah Israel gui ah phung ah hteit ban eta a pyen nak gui cu, “Tho vä! Bawipa naw Midian gakap gui ah khan ah näng nak ning pe gui pyi ci nei!” cik ci.

SUKI GUI 7:15 Referans Kwoze

SUKI GUI 4:14

Cun kawn ah Deborah naw Barak am, “Hteitä! Bawipa naw lam ning m’shüm ci nei! Tuhngawi ani naw Sisera ah khan ah näng nak ning pek ci nei” pyen nak ci. Cun ah kyasei Barak cu ak chang phiaphia awn a täng ah Tabor m’htung ungka naw yu kyum ci gui.

ATÜNNAK 41:11

Mü ät ung keini cu ka ning mang shek ci, cun cu a mawng a hei hei ah kyak ci.

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.

ATÜNNAK 24:48

Kei naw m’khukdong ne Bawipa cu khawihnah neta, ‘Bawipa hlüngtai sä, ka bawi Abraham ah Khanpughi naw, lam ka hteh nak ung, ka bawi ah pakhui chang gui ah na hteh püi ci nei. Ka bawi ah hta ah chu vai phi ka hmu pyi ci nei’ ka cik ci.

SUKI GUI 7:11

Nangni naw a i ami pyen cu nani ng’yak khai, cun ung nangni naw tuk nak hning vai ah k’tha gui nani gah khai.” Cun ah kyasei Kideon la achangshäm Purah cu ga gui ah phung akit täng ah yu kyum ci goi.

SUKI GUI 7:14

A teihpüi naw m’shang ne, “Cun cu Israel ah khim, Joash ah hta Kideon ah kyak ci! A hei ah kä ng’phlan khai! Khanpughi naw ani am, Midian la mi gakap avan ah khan ah ng’näng nak pe pyi ci nei!”

SUKI GUI 7:16

Ani naw a chang phia thum cu thum ah k’pai gui neta, chang tumat am phyung puuk tumat la akyong ah mei däi ciah um tumat ci pe gui ci.

SUKI GUI 8:7

Kideon naw, “Ä, bä khai nei! Bawipa naw Zebah la Zalmunna cu kei am a na ap hnüüp ung, nangmi cu bungpuk ah ng’hling hlim küi awn ka ning m’ghuih gui khai nei” cik ci.

SUKI GUI 3:28

Ani naw, “Na läk law vä! Bawipa naw nami ga, Moabit gui ah khan ah ng’näng nak ning pek gui pyi ci nei” cik ci. Cun ah kyasei ngami cu Ehud läk ne kyum law ba u ne Moabit gui naw Jordan tuinu ami kah nak vai ah hmun cu khäm ci gui; ngami naw chang tumat am phi tui kä kah sak ci gui.

1 SAMUEL 1:28

Cun ah kyasei kei naw Bawipa am ka ap ci. Ani a ghin ah chuih, ani cu Bawipa naw khäm khai” cik ci. Cun kawn ah ngami naw a cu ah Bawipa cu khawihnah ci gui.

1 SAMUEL 14:12

Ngami naw Jonathan la chang nong cu khü goi u neta, “Sha law ni ä! Kami ning m’thein goi vai om ci nei” cik ci gui. Jonathan naw chang nong am, “Na läk ä, Bawipa naw Israel gui am ngami ah khan ah näng nak vai pe pyi ci nei” cik ci.