SUKI GUI 7:14 - Cho Bible Common Language 2016

¹⁴ A teihpüi naw m’shang ne, “Cun cu Israel ah khim, Joash ah hta Kideon ah kyak ci! A hei ah kä ng’phlan khai! Khanpughi naw ani am, Midian la mi gakap avan ah khan ah ng’näng nak pe pyi ci nei!”

SUKI GUI 7:14 Referans Kwoze

JOSHUA 2:9

a pyen nak goi cu, “Bawipa naw shin ah khaw ning pe gui ciah ka tmat ci nei, shin ah khaw ung om ciah chang päng naw ning ktih gui ci nei.

JOB 1:10

Nang naw ami mät a k’phlüt ah na shungvong ci nei, Abi phung cu nang naw phyuhtheh pe ne khopäng avan ung be khai ah sei m’na gui na pek ci nei.

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

JOSHUA 2:24

ani pyen cu, “Akcang kani pyen ci, Bawipa naw shin ah khaw avan cu na pe gui pyi ci nei. Acu ah om ciah chang avan naw na kyih gui ci gui nei” cik ci goi.

KHEI NAK 23:20

Hriham pek vai ah kei cu na m’shüm thein pyi ci. Khanpughi naw hriham a pek cu kei naw kä ka m’hlan ba hning ci.

KHEI NAK 23:5

Bawipa naw Balaam naw a pyen vai ah ng’thu m’thein neta, cun ah ng’thu cu Balak am am thein vai ah tüi ba ci.

KHEI NAK 22:38

Balaam naw, “Ka lawk ci maw, kä kya ne ma? Cun ung phi tuhbäi a i huham ang kei naw ka gah. Ka pyen vai ah Khanpughi naw ana m’theing bäng va ka pyen hning ci” cik ci.

SUKI GUI 7:13

Kideon naw gawk neta, chang tumat naw a teihpüi am ang mang ana m’thein tu sei ng’yak ci. Ani naw a pyen cu, “Barly-awn pyan m’htut pum tumat cu mi phung khan ah ng’täng law ne, phung tumat yuk pah hlit sei, cun ah phung cu ng’gäi ne m’dekung ng’phah sei, ka ng’mang nak ci” cik ci.

SUKI GUI 7:15

Kideon naw cun ah chang ah ng’mang la mang akplan cu ng’ya neta, m’khuuk khodong ne Bawipa cu khawihnah ci. Cun kawn ah Israel gui ah phung ah hteit ban eta a pyen nak gui cu, “Tho vä! Bawipa naw Midian gakap gui ah khan ah näng nak ning pe gui pyi ci nei!” cik ci.

SUKI GUI 3:28

Ani naw, “Na läk law vä! Bawipa naw nami ga, Moabit gui ah khan ah ng’näng nak ning pek gui pyi ci nei” cik ci. Cun ah kyasei ngami cu Ehud läk ne kyum law ba u ne Moabit gui naw Jordan tuinu ami kah nak vai ah hmun cu khäm ci gui; ngami naw chang tumat am phi tui kä kah sak ci gui.

1 SAMUEL 14:12

Ngami naw Jonathan la chang nong cu khü goi u neta, “Sha law ni ä! Kami ning m’thein goi vai om ci nei” cik ci gui. Jonathan naw chang nong am, “Na läk ä, Bawipa naw Israel gui am ngami ah khan ah näng nak vai pe pyi ci nei” cik ci.