SUKI GUI 7:13 - Cho Bible Common Language 2016

¹³ Kideon naw gawk neta, chang tumat naw a teihpüi am ang mang ana m’thein tu sei ng’yak ci. Ani naw a pyen cu, “Barly-awn pyan m’htut pum tumat cu mi phung khan ah ng’täng law ne, phung tumat yuk pah hlit sei, cun ah phung cu ng’gäi ne m’dekung ng’phah sei, ka ng’mang nak ci” cik ci.

SUKI GUI 7:13 Referans Kwoze

1 KORIN 1:27

Cun ung phi Khanpughi nawhmuhmat ciah chang gui ah ng’aa nak vai ah chang k’shekha gui cu ghü gui ci; Thamah ciah chang gui ah lü nak vai ah ak tha m’yu gui cu ghü gui ci.

SUKI GUI 6:15

Kideon naw, “Cun ung phi Bawipa aw, a i hawk cha ah kei naw Israel gui ka gung gui vai ang? Manasseh pakhui ung kei ah pahta cu ak yawken pikbäih ah kyak ci, kei ah kyongchang ung kei cu kä tungte pikbäih ciah kyak ci” cik ci.

SUKI GUI 4:21

Sisera cu cüm aih neta ip phiäih ci. Cun kawn ah Jael naw ng’ki la htung m’shum la ne, a pei ah a düm ah hteit neta, a hnga m’ling ung htung k’süh ne, a lu ung ng’täih ne m’dek ung ng’cai khai ah khen ci.

SUKI GUI 4:9

A ni naw, “Bä kaw, nang awn a täng ah kei ka hteit tuk khai, cun ung phi näng nak ah phäh ah nang naw bä mtam nak kä na gah khai, a i ah kyasei ci ung Bawipa naw Sisera cu hnumi ah kut ung ap khai.” Cun ah kyasei Deborah cu Barak awn a täng ah Kadesh ah hteit tuk ci.

SUKI GUI 3:31

Cun tawi lawk ciah ami ng’vai cu Anath ah hta Shamkar ah kyak ci. Ani naw htung m’shum awn philistine chang phya chuk cu ngawn gui ne, Israel gui cu gung gui ci.

SUKI GUI 3:15

Cun kawn ah Israel gui cu Bawipa ah ma ah kyap m’lau u sei, ngami m’hlawt gui khai ah chang tumat tüih gui ci. Ani cu Ehud ak eng ah ng’hlawi ci, Benjamin pakhui Kera ah hta ah kyak ci. Israel chang gui naw Ehud cu douthak vai hteh püi ne Moab ghangpughang Eglon ah hteh sak ci gui.

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

SUKI GUI 7:14

A teihpüi naw m’shang ne, “Cun cu Israel ah khim, Joash ah hta Kideon ah kyak ci! A hei ah kä ng’phlan khai! Khanpughi naw ani am, Midian la mi gakap avan ah khan ah ng’näng nak pe pyi ci nei!”

SUKI GUI 8:10

Zebah la Zalmunna cu ani gakap gui awn a täng ah Karkor ung om ci gui. Kiangma ung om ciah pakhui gakap avan ung ka 120, 000 cu ngawn gui u sei 15, 000 bäng pawih ba ci gui.