SUKI GUI 7:1 - Cho Bible Common Language 2016

¹ Hnüüp ät ung Kideon la a chang gui avan cu khongawi hta ah tho law u ne, Harod tui m’lawi pei ah phung tuk ci gui. Midianit gui ah phung cu ngami ah a siiptäng Horeh m’htung pei khawnawi ung om ci.

SUKI GUI 7:1 Referans Kwoze

SUKI GUI 6:32

Acun ung tün ne, Kideon cu Jerubbaala ah ming ci, a i ah kyasei ci ung Joash naw, “Baala cu a mät gung sä; Shin ah chukpit cu ani ah sonkyang ah kyak ci nei? a ciah phäh ah kyak ci.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

ATÜNNAK 12:6

Shekhem hmun theing, Moreh sing ghing aktheing ah kung ah gawk ne hteit ci gui. (Cun sang ung cun ah khaw ah Kanaan chang gui om yah ci gui.)

JOSHUA 6:12

A ngawi ung khaw ngawi Joshua cu tho law ngawi ci, taigü gui la gakap gui cu, ayanta thukbäi ah mäih ah thukbäi awn ak hnih vei nak ah mang gaw cu veing ba ci gui; akhtükbäih ah gakap gui ma ci gui, phyungheng chih tum ciah taigü chih naw tawi ci gui, cun kawn ah Bawipa ah Thukhän M’küm kawt ci gui hteit u sei, ak hnu ah hnukhüm gakap gui hteit ci gui. Acun yah ah pum phyungheng cu tum ci gui.

JOSHUA 3:1

A ngawi ung khaw ngawi hta Joshua la Israel chang ami van cu tho law ngawi ci gui. Akaciah ung ami phung cu hteh ta u ne, Jordan tuinu ah hteit ci gui, Cun cu tui kah vai ah ami ngäng yah ung ami om nak ah phung ah kyak ci.

THULÄÄN NAK 11:30

(Shin ah khomhtung gui cu, Jordan tuinu ak khei täng, Jordan khawg nawi ung om ci gui ah Kanaanit chang gui ah khopäng ah kyak ci. Cun gui cu ak khei täng ah vang shawng ci, Kilkal gawnu pei ah Morah sing ghing theing gui awn kä ng’shawng ci.)

ATÜNNAK 22:3

A ngawi ung khawngawi hta ah Abraham cu, m’khih nak vai sing pawngpüi ne, ng’se pawng püi neta, Isaak la changshäm hnih khü ne, Khanpughi naw a pyen ah khaw ah hteit ci gui.

SUKI GUI 6:40

A cu mü ung Khanpughi naw acun cang ah bik ci. A ngawi ung khaw ngawi htawmu cu hu ne, m’dek cu k’dam ne ng’shüi ci.

SUKI GUI 8:29

Kideon cu a im ah hteit ba ne, a cu ah om ci.

1 SAMUEL 12:11

Cun ung Bawipa naw Gideon, Barak, Jephthah la ak hnu ah kei cu na tüi gui ci. Keimi tumat ci naw nami ga ung ka, kami ning hun gui ci, nangmi phyawng ne nami om ci.

SAM 83:9

Kishon tuilawng pei ah Midianites, Sisera la Jabin ah khan ah na bi ah mäih ah n gami ah khan ah na bi vai nei.

SUKI GUI 6:33

Cun kawn ah Midianit gui, Amalekit gui la ng’kiang ma ah om ciah pakhui gui cu ng’bum u neta, Jordan Tuinu hei kat u ne, Jeyreela khaw nawi ung phung tu ne om ci gui.

1 SAMUEL 29:1

Philistin gui naw ami gakap gui avan cu a täng ah Aphek ung law püi ci gui, cun yah ung Israel gui cu Jeyreela khaw ng’nawi ung phung tu ne om ci gui.