SUKI GUI 6:39 - Cho Bible Common Language 2016

³⁹ Kideon naw Khanpughi ah, “Kei ah khan ah kä m’lungshe en ä; thu m’kha ät bang na pyen ba sak ä. Na bä ni, hnü ät bang htawmu awn na m’nüm ba sak ä. Tuhbäi ung htawmu cu hu ne, m’dek cu ng’shüi sä” cik ci.

SUKI GUI 6:39 Referans Kwoze

ATÜNNAK 18:32

Abraham naw, “Bawipa, kä m’lungshe en ä bäi, hnü ät bäng ka pyen ba khai, changni sing gha bäng a om ung mä” cine ng’yoi ba ci. Bawipa naw, “Chang ni gha a om ung kä ka m’di khai nei” ci ba ci.

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

MATTHE 8:12

Cun ung phi uknak kho ung khai shi ah chang gui läi cu thüi kyah nak, ha htui ne geinvai nak ah ak pung lam kho hmüp khui ah k’täm gui khai,” cine pyein ci.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

SUKI GUI 6:38

Cun cu akcang ah kia tukcang ci. Kideon cu a ngawi ung khawngawi hta tho law ne, htawmu suine ten khäta damtui khawk ät lawk ci.

SUKI GUI 6:40

A cu mü ung Khanpughi naw acun cang ah bik ci. A ngawi ung khaw ngawi htawmu cu hu ne, m’dek cu k’dam ne ng’shüi ci.

ATÜNNAK 18:30

Abraham naw, “Bawipa ka pyen bamä khai, na m’lung kä she en sä, chang ni thumkip bäng a om ung mä” ci ba ci. Ani naw, “Chang ni thumkip a om ung kä ka m’di khai nei” ci ba ci.