SUKI GUI 6:34 - Cho Bible Common Language 2016

³⁴ Bawipa ah mümcha naw Kideon cu pha ne k’pan neta, cun ah chang gui gawt gui khai ah Abiezer pahta gui cu phyung puuk tum ne khü gui ci.

SUKI GUI 6:34 Referans Kwoze

2 SHONTÄP NAK 24:20

Cun kawn ah Khanpughi ah mümcha naw Taigü Jehoiada ah hta Zechariah cu k’pang ci. Ani cu chang gui naw ami hmu nak vai ung ng’düi neta ng’khü ci, “Khanpughi Bawipa naw ning shi gui ci, a i ah kyasei ani ah thumkhän gui kä nami läk ne a i ah kyasei nami mät naw nami mät ah khan ah leigai nami law püi ang! Nangmi naw nami nawng ah kya ne, ani naw ning nawng ba gui ci!

1 SHONTÄP NAK 12:18

Khanpughi ah mümcha naw ngami ungka tumat, Amasai, “Thumkip” ah gabawi ah kya lawk khai cu k’pang khäta, ani cu m’lau ne, “Jesse ah hta David, keimi cu nang ah na chang gui nei! Nang la nang ning bawm ci gui cu näng nak om sä! Khanpughi cu nang täng ah om ci nei! cik ci. David naw ngami cu dou gui ne, gakap ung angvai gui ah tha gui ci.

SUKI GUI 3:27

Ani cu Ephraim khaw-gui ung gawk neta, k’phyung puuk tum ne Israel chang gui cu ng’tuk nak ah khü gui ci; cun kawn ah khaw-gui zung ka naw kyum law ba püi gui ci.

SUKI GUI 3:10

Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

SAM 51:11

Na ma ungka kä na k’tääm men ä; Na Mumcha Theing kä na lak en pe ba ä.

1 SAMUEL 16:14

Bawipa ah mümcha naw Saul cu htehtak ci, Bawipa naw mümcha she cu ani shekdam nak khai ah tüi ci.

1 SAMUEL 11:6

Saul cu cun ng’ya neta, Khanpughi ah mümcha naw k’pang sei, m’lung she lawk ci.

1 SAMUEL 10:6

Ang ghit ah Bawipa ah mümcha naw ning pang khai, nang cu yum nak ung lam nak la m’lau nak ung na ng’pawng tuk khai, nang cu hnga ciah chang ah na kyak khai.

SUKI GUI 15:14

Ani cu Lehi ung gawk law khäta, Philistin gui cu ani täng ah dawng law u ne, ani cu m’lau ci gui. Ang ghit ah Bawipa ah huham naw ani cu k’thamah nak pe sei, aban, a kut ung ami khih nak ah gui, gui cu mei ah uih ah pyai hta mäih ah kaih pit yawp ci.

SUKI GUI 14:19

Ang ghit ah Bawipa ah huham naw ani cu k’thamah sak khäta, ani cu Ashkelon ah yu kyum neta chang thum kip ngawn ne, ami sui k’ni gui sut ne, thuzi hmat hning ci chang gui am pe gui ci. Cun kawn ah ani cu, a im ah hteit ba ci, acun ah phäh ah m’lungshe ci,

SUKI GUI 13:25

Ani cu Zorah la Esthaol ah ng’lak Dan phung ung a om sang ung Bawipa ah huhum naw tün ne kitha gui pek ci. Nazaret: cicu yu phi, sapyit tui phi kä aw ne, lu kä k’teiu ne, aksi kä tam ne, Khanpughi kyih aa ne, Khanpughi ung ng’ap ciah Chang ah kyak ci.

SUKI GUI 8:2

Cun ung phi ani naw, “Kei naw ka bi hning cu nang mi ah bi awn m’tumtäng vai kä kyak ci nei. Nangmi Epraim chang gui ah bi a pihta cu kei ah pahta avan naw kami bi ah mä bä tu ba ci nei.

SUKI GUI 6:11

Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

JOSHUA 17:2

Jordan akhei täng khaw cu k’pawih ba ciah Manasseh kyongchang gui am pek gui ah kyak ci; cun gui cu, Abiezer, Helek, Asriela, Shechem, Hepher, la Shemida. Shin gui cu Joseph ah hta Manasseh ah hta ng’shon pami gui ah kyak ci. Ngami cu ami kyongchang vaihta gui ah kyak ci gui.

KHEI NAK 10:3

Phyungheng hnih ung k’aw shan ang sau ang gin law ah a kyak ung chang gui ami van ng’cut law u ne, kei ah om nak ah Phung ah m’kaw tung ning k’bui lawk khai gui.

1 SAMUEL 13:3

Jonathan naw, Geba ung philistin gabawi cu ngawn ci. Cun ah mawng cu philistin gui ami van naw ng’yak ci gui. Saul lah chang gui van naw ng’yak ci gui. Saul naw chang gui tüi gui ne, phyung puuk tum ne kho avan ung ng’shäu sak gui ne, ng’tuk nak ah ami law vai ah Hebrew chang gui khü sak gui ci.

1 SHONTÄP NAK 12:19

Manasseh pakhui ungka gakap amshah gui cu David täng ah lawk ci gui, Cun sang ung David cu philistin gui awn a täng ah ghangpughang Saul tuk khai gui ah hteit ci gui. Akcang ah ani naw philistin gui cu kä bawm gui ci, ani naw a bawi mante Saul am a ap gui vai ah ami ghangpughang gui cu ng’ä u neta, ani cu Ziklak ah ami tüih ba ah kyak ci.