SUKI GUI 6:33 - Cho Bible Common Language 2016

³³ Cun kawn ah Midianit gui, Amalekit gui la ng’kiang ma ah om ciah pakhui gui cu ng’bum u neta, Jordan Tuinu hei kat u ne, Jeyreela khaw nawi ung phung tu ne om ci gui.

SUKI GUI 6:33 Referans Kwoze

JOSHUA 17:16

Ngami naw, “Khawgui khaw cu keimi ah phäh ah kä ng’büh ci nei, cun ung phi khawdou ung om ciah Kanaanit gui ung m’si-yatha om ci, Beth Shan la a pei yung ah gawnu gui ung om ci gui la Jeyreela khaw nawi ung om ci gui ami van ah kyak ci.”

SUKI GUI 6:3

Israel gui naw m’shi ami phu phung midianit gui cu Amalekit gui la ng’kiang ma ah om ciah chang gui awn a täng ah tu law gui ci ci gui.

SAM 3:1

Bawipa, ka ga da aih ci nei, Kei na hnu ng’tuk püi cicu da ci nei!

JOB 1:3

Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.

1 SHONTÄP NAK 5:19

Ngami naw Hakrit pakhui Jetura, Naphish la Nodab cu hteit ne tuk ci gui.

1 GHANGPUGHANG GUI 21:1

Jezreelaa kho ghangpughang Ahab ah mang im pei ah Naboth ming nak ciah chang ah sapyitduum om ci.

1 GHANGPUGHANG GUI 18:45

Kä shou pha sei khawmik cu ng’meile naw shung law ne, khaw khi lawk ci, khaw aknui ah aa lawk ci. Ahab cu a yatha ung kai ba ne, Jezreelaa ah hteit ba ci.

SUKI GUI 7:24

Kideon naw Ephraim khogui avan ung chang tüi neta a pyen cu, “Kyum law u ne Midianit gui cu tu gui vä, Jordan tuinu la Bethbarah ung khüt sei tui hta güi khäm ne, Midianit gui naw kä kat ten hlawt khai gui ah k’pang vä,” cik ci. Epraim chang gui cu a täng ah khü gui u sei, ngami naw Jordan tuinu la Bethbarah tuihta ung khüt sei k’pang ci gui.

JOSHUA 19:18

Acun ah area ung Jeyreela, Chesulloth, Shunem,

JOSHUA 3:16

tuinu cu kä long ba ne ng’düm ne hang bäm ci, Zarethan ah pei, Adam mang gaw güt ah hang li ci. Tuisen tuinu ung yu kyum ciah tuinu cu pit ne sün sei, chang gui cu Jerikho pei ah va kai ci gui.

ATÜNNAK 29:1

Jakob cu hteit gäk gäk ne hnilaw lam khaw hmun ah gawk lawk ci.

1 GHANGPUGHANG GUI 4:30

Akyangtäng ung cüivai chang gui la Egypt khaw ung cüivai chang gui avan nata Slolomon cu cüivai pi ci.

EZEKIEL 25:4

Nangmi cun ah nami yei ah phäh ah nangmi ning näng gui khai ah ak kyang täng khong gau ah ka changpakhui cu ka law sak khai. Ngami naw nangmi ah khopäng ung phung tu u ne, acun ung om hnap khai gui. Ngami naw nangmi ah kaa sing theih ei u ne suuktui awk khai gui.

HOSEA 1:5

A cun ah akhin ung Israel ah gakap ah huham cu, Jeyreel khongnawi ung kei naw ka m’di khai.”

SUKI GUI 7:1

Hnüüp ät ung Kideon la a chang gui avan cu khongawi hta ah tho law u ne, Harod tui m’lawi pei ah phung tuk ci gui. Midianit gui ah phung cu ngami ah a siiptäng Horeh m’htung pei khawnawi ung om ci.

SUKI GUI 7:8

Cun ah kyasei Kideon naw Israel gui ami van cu im ah hteh ba sak gui ci, ei awk vai la phyung puuk gui phui kawt ciah chang phia thum bang k’pawih ba ci gui. Midianit gui ah phung cu ang neim nak khawnawi ung om ci.