Biblia Todo Logo
Bib sou entènèt

- Piblisite -




SUKI GUI 6:3 - Cho Bible Common Language 2016

3 Israel gui naw m’shi ami phu phung midianit gui cu Amalekit gui la ng’kiang ma ah om ciah chang gui awn a täng ah tu law gui ci ci gui.

Gade chapit la Kopi




SUKI GUI 6:3
25 Referans Kwoze  

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.


Cun kawn ah Midianit gui, Amalekit gui la ng’kiang ma ah om ciah pakhui gui cu ng’bum u neta, Jordan Tuinu hei kat u ne, Jeyreela khaw nawi ung phung tu ne om ci gui.


Eglon naw Ammonit gui la Amalekit gui cu ng’dawn püi gui neta, Israel gui tu gui ne, Cantoi manggaw ah ming ciah Jerikho cu khäm ci gui.


Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.


Akyangtäng ung cüivai chang gui la Egypt khaw ung cüivai chang gui avan nata Slolomon cu cüivai pi ci.


Zebah la Zalmunna cu ani gakap gui awn a täng ah Karkor ung om ci gui. Kiangma ung om ciah pakhui gakap avan ung ka 120, 000 cu ngawn gui u sei 15, 000 bäng pawih ba ci gui.


Jakob cu hteit gäk gäk ne hnilaw lam khaw hmun ah gawk lawk ci.


Htang nami phu khai, cun ung phi kä nami khäm ba khai. Olive situi nami neen khai, kä nami mang khai. Sapyit tui nami piang khai, kä nami awk khai.


Ka püm htang gui cu avan di yawp sä, Kei naw ka ei vai ka geit gui cu a hei naw ei sä.


Ngami naw nami vuhchah gui, nami geitkaw gui avan ei khai gui. Nangmi cu ei ah cawi ne nami sik khai. Ngami naw htang, sapyit, oliv-situi, vuhchah gui, htome gui a i phi kä ning nawng pe gui khai gui. Nangmi cu nami sik khai.


kei naw ka ning m’kyuk gui khai. Kei naw nami khan ah leigai ka law püi khai. Kä m’htei hlawt vai ah katnak, gawpai nak gui; a cun gui naw nami mik m’dauh sak khai, nami ghin nak kholä sak khai. Nangmi naw m’shi nami geit khai, cun ung phi cun naw kä ning ni sak gui khai, a i ah kyasei ci ung nami ga gui naw ning näng gui u ne, nami geit phi ei yawp khai gui.


Midianit gui cu Israel gui ah mä gaigawng pi ci gui, cun ah kyasei Israel chang gui cu lung khui ung ng’thup ci gui, amshah cu ang geing khogui zung ah ng’thup ci gui.


Ngami cu ami khaw ung phung tu ne om u ne, ami geitkaw gui cu a htumtäng Kaza gawnu ah khüt ne m’di ci gui. Ngami naw htawme gui, seipat gui, ng’sela gui avan lak ci gui, Israel gui ah phäh ah ami ghin nak vai a i kä k’pawih ci.


Israel gui cu khü gui ne, pawng m’htein ci gui; ngami cu kai law u ne, Sirian gui man gui ne hnih ah ng’bum ci gui. Sirian gui cu khodo ung be u sei, Israel gui cu me ng’bum goi hta ah mäih ah kyak ci gui.


Bawipa naw küi kyang ciah shaitak cu bik ci, A mätah huham awn ani naw m’khüp ne bik khai: “Nami pümhtang gui cu na mi ga gui ah ei ah kä kya ba khai, Nami sapyit tui gui cu a khohei chang gui naw kä aw ba khai gui.


Nangmi cun ah nami yei ah phäh ah nangmi ning näng gui khai ah ak kyang täng khong gau ah ka changpakhui cu ka law sak khai. Ngami naw nangmi ah khopäng ung phung tu u ne, acun ung om hnap khai gui. Ngami naw nangmi ah kaa sing theih ei u ne suuktui awk khai gui.


Cun ung phi ani cu ghing yah ci kya neta, a hei ak chu gui awn ami hta gui am phi a khawh cu pe gui ci. Cun ah a hta gui cu Isaak awn ng’shawng ne om khai gui ah hni law lam ah tüi gui ci.


Amalekit chang gui naw Israel gui cu Rephidim ung tu law gui ci gui.


Sidonian gui, Amalekit gui la Maonit gui naw cau ning yawshe na gui sei, nangmi kei ah nami kyap m’lau ci. Cun ung kei naw kä ka ning hun gui ciah kya ne ang?


Cun ah kyasei Hiram naw Solomon naw ang yak hlü ah cedar sing gui la m’htai tung gui cu pe tak ci.


Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.


Shin cu Kedar pakhui la hazor naw akpan khopäng, Babilonia ghangpughang Nebukhadnezzar naw akhäm ah mawng Bawipa naw a pyen ah kyak ci; “Kedar chang gui tu gui ne ak kyang täng changpakhui cu m’di vä!


Kei uktu Bawipa naw ka pyen ah ng’thu cu ami ngaih vai ah m’thein gui ä: Nangmi cu ka Taigüim alelawi law ung, Israel khaw ashetkat law ung, Judah chang gui omktu ah ami hteh law nami hmuh ung, nangmi cu nami yeikyai ci.


Swiv nou:

Piblisite


Piblisite