SUKI GUI 6:25 - Cho Bible Common Language 2016

²⁵ A cu mü Bawipa naw Kideon-am am thein cu, “Na pa ah vantang la ne, kum chih lung ciah a hei vangtang mä la neta, na pa naw Baala ah hmawk ah a cawh ah sowkiang phye ne, acun ah pei ung ka Asherah khanpughinu ah a gup cu na chupit vai.

SUKI GUI 6:25 Referans Kwoze

SUKI GUI 3:7

Israel chang gui naw Bawipa cu ami khanpughi ah m’hnih ci gui, ani hnu ng’tuk püi ne sheka u ne, Baala la Asherah ah gup gui cu khawihnah ci gui.

PHYAWN NAK 34:13

Ami sonkiang gui nami gäi vai, ami lungtung a gup gui nami m’di vai, ami khanpughi ah mäih ah kyak ciah Asherah sing gui cu nami chuk vai.

LAMKTU 5:29

Peter la apaw gui naw, “Keimi ah ngaih vai cu Khanpughi ah kiak ci, chang ah kä kyak ci.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

LAMKTU 4:19

Cun ung phi Peter la Johan naw, “Nang mi ah ng’thu ngaih vai lah Khanpughi ah ng’thu ngaih vai cu, Khanpughi lam ah ngaih ung a i, ang düng pi ah na mi mät naw m’khoi chah vä;

SAM 101:2

Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,

JOB 22:23

Na m’lung neim sak ä, Khanpughi ah law ba ne na im ung nami bilawh ah akshe avan cu ng’pyi sak ä.

THULÄÄN NAK 7:5

Cun ah kyasei ami sonkiang gui nami gäi vai, theing ciah ami lung tung gui cu khui khai ah nami shukden vai. Khanpughinu Asherah ah müi cu nami k’shawm vai, ami gup gui nami m’khih vai.

ATÜNNAK 35:2

Cun kawn ah Jakob naw akyong ungka gui la a chang gui avan am, “Nami ng’lung ah om ciah a hei khanpughi gui cu nawng u ne, nami mät theingcim sak u ne, nami suisak phi ng’thong yawp vä.

SUKI GUI 2:11

Israel chang gui cu Bawipa hnu ng’tuk püi ne katnak bi u ne, Baala gui cu tün ne khawihnah ci gui.

SUKI GUI 6:26

Shin ah m’dek plum ung Bawipa na khanpughi ah hmawk ah akni ah soukiang na cawh vai. Cun kawn ah ak hnihnak ah vantang la ne apum avan douthak ne na m’khih vai, Asherah gup na chukpit cu sing ah mang ne na m’khih vai.”