SUKI GUI 6:2 - Cho Bible Common Language 2016

² Midianit gui cu Israel gui ah mä gaigawng pi ci gui, cun ah kyasei Israel chang gui cu lung khui ung ng’thup ci gui, amshah cu ang geing khogui zung ah ng’thup ci gui.

SUKI GUI 6:2 Referans Kwoze

HEBRU 11:38

Khomdek khan cu ngami ah hmawk ah kä bä ci nei! Ngami cu khokhäu, kiang maa la kho m’htung yung ah geinvai chang ah mäih ah hteit shüi shüi u ne, lung khui m’dek khui ung va om vük ci gui.

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

THU PHLAAN 6:15

Cun ah kya khätah, m’dek khan ung ghangpughang gui, uk ciah mang gui, gakaap bawi gui, bühmang ci gui, hlüngtai ci gui, la khleihtein gui, khuimah gui chang avan cu lung khui gui la khomhtung khan lung k’song gui ung ng’thup yawp ci gui.

1 SAMUEL 14:11

Cun ah kyasei ngami cu Philistin gui naw ami hmuh goi vai ah om ci goi, Philistin gui naw, “Teng vä, Hebrew chang amshah cu ami ng’thuh nak ah khui ung ka, lut lawk ci gui nei!” cik ci gui.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

SUKI GUI 6:3

Israel gui naw m’shi ami phu phung midianit gui cu Amalekit gui la ng’kiang ma ah om ciah chang gui awn a täng ah tu law gui ci ci gui.

JEREMIAH 41:9

Ishmaela naw angawn ah chang gui ah pumsa gui a thun nak ah tuishawk cu ng’kawm ci, cun cu Israel ghangpughang Baasha naw a tuk law yak ung Ghangpughang Asa naw a cawh ah kyak ci. Ishmaela naw tuishawk cu chang gui ah pum awn be sak ci.

JEREMIAH 48:28

“Moab ung om ciah nanmi gui, nami gawnu gui cu nawng vä! Lungkheng pang ung hteit ne om vä! Akawk nak un gangbu tu thei cial müm ah mäih kya vä.

SUKI GUI 10:8

Kilead khaw Jordan tuinu ah a kiangtäng Amorit khopäng ung om ciah Israel gui ami van cu khokum ghalei-cheit ung ngami naw zoshe na ne, k’dukdeiu na gui ci gui.

SUKI GUI 10:9

Ammonit gui naw Jordan tuinu hnraw kat law u ne Juda, Benjamin la Ephraim pakhui gui cu tu lawk ci gui. Cun ah kyasei Israel gui cu ang htei ah khüikha ci gui.

JOB 30:6

Ngami cu lung khui lung kheng gui ung om ci gui.