SUKI GUI 6:13 - Cho Bible Common Language 2016

¹³ Kideon naw pyen tu ba ne, “Bawi aw, ka ning shi hlük ci nei, Bawipa naw na om püi gui ciah a kyak ung a i ah kyasei, shin ah akshe gui avan keimi ah khan ah a gawk law ang? Egypt khaw ah ka a law püi ba gui yah ung Bawipa naw a bi gui ah cäicat gui nai avan kami pa gui naw ami nam thein gui cu a i hawk cha ang? Bawipa naw na nawng gui ne, na hteh ta gui ne Midian gui am na ap gui ci nei” cik ci.

SUKI GUI 6:13 Referans Kwoze

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

SAM 44:1

O Khanpughi, Cau pui pui ak küikyang na bi lawh gui ah mawng cu kami pupa gui naw pyen u sei, kami hnga awn kami ng’yak ci nei:

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

ISAIAH 41:17

Ka chang gui naw tui ng’ya hlü ne ami shui sang ung tui gha u ne ami gawn aket sang ung, kei, Bawipa naw ami taigü cu ka m’shang gui khai; kei, Israel khanpughi naw kä ka nawng gui phung khai.

SAM 89:49

Bawipa, zan ä dang ciah na m’hni nak cu a hawi ang? David ah ma ah na shaitak cu a hawi ang?

THULÄÄN NAK 31:17

Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.

ATÜNNAK 25:22

A kämah nak cu ang phi ah kya neta, kä a hta nak pha ung ngani cu puk kyong ah ng’tuk ci goi. Rebekka naw, “A i ah kya ne ang, kei ung shin ah a kiak?” cineta, Bawipa cu ng’shik khai ah hteit ci.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

JEREMIAH 23:33

Bawipa naw na pyen nak ci, “Jeremiah, ka chang tumat mat naw baw, prophet naw baw, taigü naw baw, ning shi law ne, ‘Bawipa ah thu pyen cu a i ang?’ Nang naw na m’thein vai cu, ‘Nang cu Bawipa ung phuih ah na kyak ci, ani naw nang cu ning k’täm lawk kahi nei.’

SAM 27:9

Kä ka ning hmuh vai ah kä ng’thup-en ä! Kei ah khan ah kä m’lung she-en ä; Na changshäm cu kä ng’hlah ta-en ä. Nang naw kei cu na nam htei ci, kä na hteh tak-en ä, kä na nawng-en ä, O Khanpughi ka hunbawi.

THULÄÄN NAK 29:24

Cun kawn ah khaw aka ung chang avan naw ng’shik khai.” A i ah kyasei nangmio ah khaw ah khan ah Bawipa naw shin ah abi ang? Ani ah nui ciah amlungshe nak ah mawng cu a i ang?

SUKI GUI 6:1

Israel chang gui cu Bawipa hnungtuk püi ne sheka ba mä ci gui. Cun ah kyasei ani naw Midian chang gui am khawkum chih uk sak gui ci.

SUKI GUI 6:12

Acun ung Bawipa khanchang dang neta a pyen nak cu, “Nget ne n’gäi ciah chang, Bawipa naw nang ning om püi ci ne!”

SAM 44:9

Cun ung phi tuhbäi nang naw na ng’hlah ta gui ne, na na hnim sak gui ci nei; Nang naw kami ga kap gui phi kä na düih püi ba gui ci nei.

SAM 44:2

Chang hei gui cu na mät naw k’tääm gui ne, na chang gui ah ami kho cu na pyang ci Chang khuihei gui cu m’kyuk gui ne na chang gui cu na bühmang sak gui ci.

ISAIAH 63:11

Cunung phi ngami naw azän nä ka, Bawipa ah changshäm, Moses ah akhin cu shüm law ba neta, ngami naw ng’shik ci gui, “Tuinu ung ka, a chang gui ah ami ng’vai gui hun gui ciah Bawipa cu tuhbäi a hawi ang? A mümcha Moses