SUKI GUI 6:11 - Cho Bible Common Language 2016

¹¹ Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

SUKI GUI 6:11 Referans Kwoze

JOSHUA 17:2

Jordan akhei täng khaw cu k’pawih ba ciah Manasseh kyongchang gui am pek gui ah kyak ci; cun gui cu, Abiezer, Helek, Asriela, Shechem, Hepher, la Shemida. Shin gui cu Joseph ah hta Manasseh ah hta ng’shon pami gui ah kyak ci. Ngami cu ami kyongchang vaihta gui ah kyak ci gui.

HEBRU 11:32

Kei naw k’täi ne ka pyein ba vai ang? Gidean, Barak, Samsan, Jephthah, David, Samuel la profet gui ah mawng ka pyein nak vai a khin kä ng’büh ci nei.

SUKI GUI 13:3

Bawipa ah khanchang naw ani ah ma ah ng’dang neta a pyen cu, “Nang cu kä hta hlawt phung ci, cun ung phi nang cu kä shou sei käumah ne pami ah na hta khai.

SUKI GUI 8:2

Cun ung phi ani naw, “Kei naw ka bi hning cu nang mi ah bi awn m’tumtäng vai kä kyak ci nei. Nangmi Epraim chang gui ah bi a pihta cu kei ah pahta avan naw kami bi ah mä bä tu ba ci nei.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

ATÜNNAK 16:7

Bawipa ah khankho chang naw, Hakarah cu Shura ah hteh nak lam tui pei ah hmu neta,

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.

JOSHUA 18:23

Avvim, Parah, Ophrah,

KHEI NAK 26:30

Cun ah pahta, gui cu Iezela, Helek,

SUKI GUI 6:12

Acun ung Bawipa khanchang dang neta a pyen nak cu, “Nget ne n’gäi ciah chang, Bawipa naw nang ning om püi ci ne!”

SUKI GUI 13:6

Cun kawn ah hnumi naw a cei ah om nak ah hteit neta a pyen cu, “Khanpughi ah chang cu kei ah lawk ci, ani cu Khanpughi ah khanchang ah mäih ah kia ne kyih vai kya ci. Ani a hawi ka a law ah kei naw kä ka ng’shik ci, ani naw phi aming kä na m’thein ci.

SUKI GUI 9:5

Ani cu apa im, Ophrah ah hteit neta, lung tumat ah khan ah aphäi nau gui chih-kip, Kideon ah hta gui cu ngawn gui ci. Cun ung phi Jotham, Kideon ah hta ak hmaw pi cu ng’thup pei sei kä ngawn tuk ci.

1 GHANGPUGHANG GUI 19:19

Elijah cu acun ungka naw hteit neta vantang bum awn lai thawn ne om ciah Elisha cu hmuk ci; ani ah ma ung vantang bum gha lei ät naw lai thawn ci, ani cu ak hnu bäih bum ät awn thawn ci. Elijah naw a suinu cu suut neta Elisha am m’sui ci.