SUKI GUI 6:10 - Cho Bible Common Language 2016

¹⁰ Kei naw ka ning m’thein gui ci, kei cu Bawipa nami na Khanpughi nei, nangmi naw tuhbäi nami om nak ah khaw kanak ciah Amorit gui ah khanpughi gui cu kä nami khawihnah en tu vai. Cun ung phi nangmi naw kä nami na ngai ci.

SUKI GUI 6:10 Referans Kwoze

JEREMIAH 10:2

Ngai vä. Ani naw pyen ci, “Ahei pakhui gui ah lam cu kä nami läk vai; kä hmuh man gui khomikung dang sei, ahei pakhui gui ami kyihkyawk ung phi, cun naw nangmi kä ning tüihtok en gui sä.

JEREMIAH 9:13

Bawipa naw m’shang ci, “Shin ah a kyak law cu kei ah ka chang gui naw ka peit gui ah ka m’thei thang gui ami nawng düüt ah phäh ah kyak ci nei. Ngami naw kei ah thu kä ngai u ne kei ah pyen kä bik cu gui.

JEREMIAH 43:7

Ngami naw Bawipa ah thumkhän kä ngai u ne Egypt khaw Tahpanhes mang gaw ah khüt ne hteit ci gui.

JEREMIAH 43:4

Cun ah kyasei, Johanan, käcung gabawi tumat mat käung chang tumat naw phi Judah khaw ah k’pawih shüt vai ah Bawipa ah thumkhän ngai ci kä om ci nei.

JEREMIAH 42:21

Tuhbäi dei naw ka ning m’thein gui ci, cun ung pi Bawipa mi khanpughi naw na tüi sei ka ning m’thein gui nü cu kä nami läk ci.

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

SUKI GUI 2:2

Nangmi naw Shin ah khaw ung om ciah chang awn api ah phi thukhän kä nami bi vai. Nangmi naw ami sowkyang gui cu nami phyet vai kyak ci. Cun ung phi ka pyen ah mäih ah nangmi naw kä nami bik ci. Nangmi naw hnu ng’tuk khai nami bik ci!

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

ROMAN 10:16

Cun ung phi Thu Ni cu chang van naw kä dou ci gui. Isaiah amät naw, “Bawipa, Keimi ah thu pyein cu a u naw yum ci ang!” cine pyein ci.

ZEPHANIAH 3:2

Bawipa ah ng’thu kä ngai ne am cäi kä dou ci. Bawipa cu kä ngaih u ci, am htei vai ah kä ng’zoi thäh ci.

NG'THU K'THUUK~ 5:13

Ka saya gui phi kä ka ngai gui ci, A i ah kä ka sui gui ci.

2 GHANGPUGHANG GUI 17:33

Cun ah kya ne, ngami naw Bawipa khawihnah ci gui, ami mät ah law nak ah khaw ung thungyo phäh phäh awn ami mät ah khanpughi gui phi khawihnah ci gui.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

SUKI GUI 6:9

Kei naw Egypt chang gui ung ka ning gung gui ne, shin ah khaw ung ning hnu ng’tuk püi gui ciah chang gui ka ning gung gui ci. Nangmi nami law yah ung, kei naw ngami cu k’täm gui ne, ngami ah khaw cu kei naw ka ning ap gui ci.

2 GHANGPUGHANG GUI 17:7

Samaria cu a i ah kyasei angkiak ci ung ngami naw ami Khanpughi Bawipa cu hnungtuk ne katnak ami bi ah hmawk ah kyak ci, ani naw Egypt ghangpughang ah kut ungka gung gui ne, Egypt khaw ungka hteh püi ba gui ci. Ngami naw a hei khanpughi gui khawihnah ci gui.

PHYAWN NAK 34:12

Nami hteh law nak vai ah khaw ung ana om ciah chang gui awn kä nami ng’hteh hton vai, a i ah kyasei ci ung cun cu nami ng’awh nak vai ah m’hling ah kyak khai nei.

PHYAWN NAK 34:14

“A hei khanpughi kä nami khawihnah vai, a i ah kyasei ci ung Kei, Bawipa m’tumtäng nak phung ka lum k’she nak ci nei.

2 GHANGPUGHANG GUI 17:13

Bawipa naw a changshäm gui la prophet cu kä ngai ci gui. Judah ung m’cäi gui khai ah tüi law ne; “Nami shetkat nak gui cu nawng ne kei ah ka ng’thu cu ngai vä, cun gui cu kei naw nami pupa gui am ka pek ah thukhän ung om ci nei, cun gui cu kei naw ka changshäm prophet gui ung ka ning pek gui nei.”

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

JEREMIAH 17:23

Ami pupa gui naw kei ah ng’thu kä ngai ci gui, kei a i ah kä na ngai ci gui. Cun nak vaisü ung ngami cu ami m’lung liing ci; ngami naw kei ah ng’thu kä ngai ci gui, kei ah kä ng’thei thang lawk ci gui.