SUKI GUI 5:8 - Cho Bible Common Language 2016

⁸ Israel chang gui naw Khanpughi gui ak thai ami ghü kawn ah, khaw ung ng’tuk nak om ci nei. Israel chang phya, phya phli kip ung ka, Shawi käcung k’htei kawt ci a u om ne ang?

SUKI GUI 5:8 Referans Kwoze

SUKI GUI 2:17

Cun ung phi Israel gui cu ami ng’vai gui ah bek kä ngai ci gui. Israel cu Bawipa ung kä bekhüt ne, a hei khanpughi gui cu khawihnah ci. Ami pupa gui naw Bawipa ah thumkhän cu läk ci gui, cun ung phi shin ah ng’shon k’thai naw cun ah kä bi ba ci gui.

SUKI GUI 2:12

Ngami naw Egypt ah ka law püi ba gui ciah Khanpughi, ami pupa gui ah Khanpughi, Bawipa ami khawihnah nak cu nawng u ne, a mi pei yung ah om ciah chang gui ah ami khawihnah ah ami khanpughi gui cu tün ne khawihnah tuk ci gui. Ngami naw acun gui ah ma ah kawp u ne Bawipa cu m’lungshe sak ci gui.

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

SUKI GUI 5:7

Israel ah gawnu gui cu omdam ne ng’düi ci gui nei, Deborah aw; nang cu Israel gui ah nu ah mäih ah kä na law pha ah chuih, ngami cu akholä ah kyak ci gui.

SUKI GUI 5:11

Ngai vä! Tui shawk ah ng’veing ung chang k’da ng’üng cang ci gui nei, ngami naw Bawipa ah näng nak pyen ci gui, Israel chang gui ah näng nak pyen ci gui nei! Bawipa ah chang gui cu ami mang gaw gui ungka ng’phäi lawk ci gui nei.

JEREMIAH 19:4

Kei naw shin ah ka bi lawk khai a i ah kyasei ci ung chang gui naw kei na nawng u ne ahei khanpughi gui am khawihnah nak ami douthak nak awn shin ah hmun cu lelawi sak ci gui. Cun ah khanpughi gui cu ami mät ami pupa gui la Judah ghangpughang gui a u naw phi kä a hmat ah kyak ci. Ngami naw shin ah hmun cu changnigui ah si awn be sak ci gui,