SUKI GUI 5:6 - Cho Bible Common Language 2016

⁶ Anath ah hta Shamkar a om sang ung, Jaela a om sang ung, Lam k’hteit gui naw khaw kan ne kä hteit ba ci gui, hteithon ci gui cu k’ban lam ung hteit ci gui.

SUKI GUI 5:6 Referans Kwoze

ISAIAH 33:8

Lam ng’shawng nm gui cu kyih vai kyasei cun ung a u kä hteit ba ci nei. Ami thukhän gui cu m’shat u ne, ami yum ätnak gui cu plawh pyi ci gui nei. A u naw a i phi kä changm’sui law ba ci nei.

SUKI GUI 3:31

Cun tawi lawk ciah ami ng’vai cu Anath ah hta Shamkar ah kyak ci. Ani naw htung m’shum awn philistine chang phya chuk cu ngawn gui ne, Israel gui cu gung gui ci.

NG’ÄI KYAH 1:4

Theingcim ciah hnüüp ung khawihnah vai ah Taigü im ah tuhbäi a u phi kä lawk ci. Cun ung hnumi hta gui cu yaica ne ng’äi m’cu ci gui, Mang gaw m’kawt gui cu a ghawng ah ng’düi ci gui Zion cu omdam aih ci nei.

TAIGÜTHUM 26:22

Nami ng’lung ah kyih she ciah khisa cu kei naw ka tüi lawk khai, a cun gui naw nami hta gui lo u ne, nami vuhchah gui m’di khai gui, api hta bäng ning pawih na gui khai, nami lam gui cu ng’gau khai.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

NG’ÄI KYAH 4:18

Ga naw na ngäng gui ci, mikmi lam ung phi kä mi hteit hton hning ci. Mikmi ah hnüüp gui cu ng’phlan pyi ci, khaw ang pyi nak cu gawk lawk ci.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

2 SHONTÄP NAK 15:5

Cun ah a khin sang ung a u phi phyawng m’htein ne kä hteit hton ci, a i ah kyasei ci ung khaw nü ung khüikha nak la ng’gawgan nak bäng ah kyak ci.

SUKI GUI 5:7

Israel ah gawnu gui cu omdam ne ng’düi ci gui nei, Deborah aw; nang cu Israel gui ah nu ah mäih ah kä na law pha ah chuih, ngami cu akholä ah kyak ci gui.

JEREMIAH 6:25

Keimi cu gawhta ung ah kä kami hteit ci, lam gui ung kä kami hteit ci, a i ah kyasei ci ung kyih vai kyak ciah likhim kawt ciah kami ga gui naw ami na koi gui ah phäh ah kyak ci.”