SUKI GUI 5:4 - Cho Bible Common Language 2016

⁴ Bawipa, nang naw Seira khawmhtung na hteh tak sang ung, Edom khaw ungka nang na law yah ung, Khomdek thüng ne, Khawmik ungka khaw aa lawk ci nei. Ä, Khawmei ungka, tui phi kya lawk ci nei.

SUKI GUI 5:4 Referans Kwoze

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

2 SAMUEL 22:8

Cun kawn ah khomdek ng’thüng ne thüüng ci; Khomik ah aphung akung cu hnün ne ng’khäi ci, A i ah kyasei ci ung Khanpughi m’lungshe sei nei!

SAM 77:17

Khong’mei naw kho aa sak ci; khankho mik ah kho ng’hmum ng’kyeek sei, kho cawi van ung lailäp ne khang ci.

JOB 9:6

Khanpughi naw shihpi thüng sak ne kho m’dek cu k’thüng ci; kho m’dek han dä ciah k’tung gui phi k’thüng ci.

HEBRU 12:26

Cun sang ung Khanpughi ah ng’thu naw khomdek cu thüng sak ci nei. Cun bäng ah kä kyak ciah, tuk bäi, Bawipa naw, “Kei naw hnü ät mä, khomdek bäng ah kä kya ciah, khankho phi ka thüng sak khai nei,” cine shai a taak om ci.

SAM 68:9

Nang naw kho angtäi aa sak ne, na ng’dü kho phi na kyäp sak ci;

SAM 77:18

Na kho ng’hmum ng’kyeek ne ng’liim sei, lailäp ne ng’shü ci naw m’dek han chang ci; khomdek ng’hlet ne thüng ci.

ATÜNNAK 32:4

Ani naw a tüih gui ah chang gui am cäi gui cu, “Ka bawi Esau am nami m’thein vai nei. Kei, Jakob na thu ngai ciah na changshäm cu, tuhbäi ka law ba vai güt ung, Laban ah ka om tuk ci nei.

ISAIAH 63:19

Nang cu keimi ah uktu ah kä na kyak ciah mäih ah, keimi cu nang ah chang ah kä kami kyak ciah mäih ah, na na om püi gui ci nei.

MIKHAH 1:4

Mei ung khoi chap ah mäih ah khomhtung gui aka ah piawn khai gui; Khomhtung ung lut lawk ciah tui ah mäih ah ngami cu khaw ng’nawi ung pyäu ne long khai gui.