SUKI GUI 5:31 - Cho Bible Common Language 2016

³¹ O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

SUKI GUI 5:31 Referans Kwoze

SAM 37:6

ani naw na düng nak cu hni lung lai ah mäih ah ning khang sak khai nei.

2 SAMUEL 23:4

ng’mei kä om ciah khaw thaih hta ung, pyü ne sou ciah khaw hni ah mäih ah, khaw a aa thai ung khu m’sai m’kim sak ne, pyü ciah khaw hni ah mäih ah kyak ci nei.”

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

1 KORIN 8:3

Cun ung phi Khanpughi m’hni ciah chang cu Khanpughi naw hmuhmat ci.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

MATTHE 13:43

Cun yah ung Khanpughi ah chang gui cu ami pa ah uknak kho ung, khohni ah mäih ah khang ne om khai gui. Ng’yak nak vai ah hnga om ci phung naw ng’ya sä,” cine m’thein gui ci.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.

SUKI GUI 3:11

Cun ah khaw ung khaw kum phlikip dimgei nak om ci, cun kawn ah Othniela cu sik ci.

SAM 97:8

Zion chang gui cu yei ci gui, Judah mang gaw gui cu yeikyai ci gui, cun cu düng ciah na m’khoi m’cha ah hmawk ah kyak ci nei, Bawipa.

SAM 92:9

Na ga gui ami van cu si u sei, changshe gui ami van cu tuh ne na k’täm gui khai cicu kami hmat ci nei.

SUKI GUI 3:30

Cun hnüüp ung Israel gui naw Moab cu tu hnin ci gui, ami khaw cu khawtum cheitkip ung dimdeih ci.

THULÄÄN NAK 6:5

Bawipa na Khanpughi cu nam lung kyong avan, na ngaih-tüh avan, na thagui avan awn nam hni vai.

PHYAWN NAK 20:6

Cun ung phi kei na m’hni ne ka thukhän läk ci gui ah khan ah ng’shon phia khüt ung ka m’hni nak ka m’dang ci.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

2 SAMUEL 18:31

Cun kawn ah Sudan changshäm gawk law neta, ghangpughang am, “Ka bawi mang, ng’thu ni ka law püi ci nei! Nang ning hnu ng’tuk ne, ning tuk püi ci gui van ah khan ah tuh ngawi Bawipa naw näng nak ning pek ci nei!” cik ci.

SAM 89:37

Cun cu khankho mik ung bekhüt ne saksi ah ng’düi ciah cha ah mäih ah khäng khai.”

THULÄÄN NAK 7:9

Bawipa nami Khanpughi cu atumat bäng Khanpughi la bekhüt ci, cicu nami shüm ba vai. Ani naw thukhän cu k’pang khai. Ani m’hni ne ang thumkhän läk ciah chang gui ah khan ah ani naw ng’shon phia khak ung am hni nak cu m’dang khai.

2 SAMUEL 18:32

Ghangpughang naw, “Chang nong Absalom cu phyawng ne ang?” cine ng’shik ci. Changshäm naw, “Bawi aw, kei naw ka ng’yak hlü cu, ani ah khan ung gawk cicu na ga gui avan la ning hnu tuk püi ci gui avan ah khan ah gawk tu sä” cik ci.

SAM 19:6

Ani cu khomik ah vang mawng ah lut law ne, vang mawng ah ng’phlän ne hteit ci. Ani ah a ng’lung ung a i phi kä ng’shung thei ci.

SAM 20:8

Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.

SAM 92:10

Nang naw kei cu pyawng ah mäih ah na gai sak ne, yeikyai nak hriham na na pek ci.