SUKI GUI 5:23 - Cho Bible Common Language 2016

²³ Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.

SUKI GUI 5:23 Referans Kwoze

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

1 KORIN 3:9

Keimi cu Khanpughi ah khuut a täng ah kami bik ciah bik bi gui ah kami kyak ci, nangmi cu Khanpughi ah lomaa ah nami kyak ci. Nangmi cu Khanpughi ah im ah phi nami kyak ci.

ROMAN 15:18

Chang khui hei gui naw Khanpughi ah ng’thu ami läk tu vai ah, Bawi Khrit naw ana bilawh sak ah mawng cu, kei naw m’gäi ne ka pyein khai nei. Cun ah Khanpughi ah ng’thu ami läk law tu cu, kei ah thu pyein la bilawh nak

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

JEREMIAH 48:10

Amlung avan awn Bawipa ah bii kä bik ciah chang cu taam vä! kä tu ne kä ngawn ciah chang cu taam vä!

NEHEMIAH 3:5

Am cawt cu Tekoa chang gui naw co ci gui, cun ung phi gawnu angvai gui naw, tängpang ci gui ami k’bäi pek gui ah bi vai gui cu mak ci gui.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

1 SAMUEL 25:28

Saza, na bä ni, na m’geinsei ä, hma nak ka bi phung cu. Bawipa naw ghangpughang ah ning hmoh khai, na hta ng’shon gui phi a cun ah kyak khai, a i ah kyasei ci ung, nang cu ani ah phäh ah ng’tuk na bik ci; nang cu na ghin ah chuih akshe kä na bik ci.

1 SAMUEL 18:17

Cun kawn ah Saul naw David am, “Shin cu kei ah ka hta hnumi ang vai pi Merab nei. Na chu nak vai ah ka ning pek khai. Cun cu m’gäi ne hläkhäm ciah gakap ah kya ne, ka bi na bi ah phäh la Bawipa ah ng’tuk na bi ah phäh ah kyak ci” cik ci. (Saul ah ngaih cu, cun ung Philistin gui naw David cu ngawn khai gui, ani naw a i abi vai kä hlü khai, ciah kyak ci.)

1 SAMUEL 17:47

shin ung om ciah chang gui phung naw, Bawipa naw ak chang gui a hun nak gui vai ah khim la htei kä hlü ci, cicu hmuk khai gui nei. Ani cu ng’tuk nak ung näng nak ah huham kyong ung ning tha gui khai nei” cik ci.

SUKI GUI 13:3

Bawipa ah khanchang naw ani ah ma ah ng’dang neta a pyen cu, “Nang cu kä hta hlawt phung ci, cun ung phi nang cu kä shou sei käumah ne pami ah na hta khai.

SUKI GUI 6:11

Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

SUKI GUI 4:6

Hnüüp ät ung ani naw, Naphtali khaw, Kedesh mang gaw ung ka Abinoam ah hta Barak cu tüi neta, “Bawipa Israel ghangpughang naw shin ah thumkhäm ning pe gui ci: ‘Naphtali la Zebulun pakhui ung ka chang phia phia la neta Tabor m’htung ah hteh püi gui vä.

SUKI GUI 2:1

Bawipa ah khanchang naw Kilkal ungka naw Bochim ah hteit neta, Israel gu a pyen nak gui cu, “Kei naw Egypt khaw ung ka ning plawk ba gui ne, nami pupa gui am shai ka taak ah khaw ung ka ning law püi gui ci. Kei naw ka pyen cu, ‘Nang mi awn ka thukhän cu api ah phi kä ka m’shet khai.

SUKI GUI 5:13

Bekhüt ciah chang gui ami ng’vai gui ah lawk ci gui nei; Bawipa ah chang gui cu ng’tuk ge vai ah ani ah lawk ci gui nei.

SUKI GUI 21:5

Ngami naw, “Mizpah ung Bawipa ah ma ah ng’bum nak ung Israel pakhui avan ung ka, kä ng’bum tuk ci om ne ang?” cine ng’shik ci gui. (Mizpah ung kä hteit tuk cicu ngawn vai ciah küikyang ciah ami thukan te ah hmawk ah kyak ci.)

SUKI GUI 8:5

Ngami cu Sukkoth ung gawk law u neta, ani naw gawnu ung om ciah chang gui am, “Nami bä ni, ka chang gui am m’htut api m’bei gui vä, ngami cu bawngbai ci gui ne, kei naw Midianit ghangpughang goi Zebah la Zalmunna cu kak täm goi ci nei” cik ci.

SUKI GUI 8:6

Cun ung Sukkoth ng’vai gui naw, “A i nang ah gakap gui am ei kami pek vai ang? Nang naw Zebah la Zalmunna phi kä na k’pang goi phak ci maw” cik ci gui.

SUKI GUI 8:8

Kideon cu Penuela ah phi hteit ne a cu ah om ciah chang gui am, acun ah mäih ah pyen nah gui ci, cun ung phi Penuela ung chang gui naw phi Sukkoth chang gui ah pyen ah mäih ah pyen ci gui.

SUKI GUI 21:8

Mizpah ung ami ng’bum nak ung Israel pakhui ung ka, kä hteit tuk ci om ne ang ciah k’tä law ba u neta, Kilead khaw Jebesh ung ka, a u phi kä hteit tuk ciah hmat ci gui;

SAM 94:16

Changshe gui hnu ng’tuk püi ne, kei täng ah ng’düi khai a u ang? Cheishoh ci gui hnu na ne, kei täng ah om khai a u ang?