SUKI GUI 5:2 - Cho Bible Common Language 2016

² Bawipa cu m’hlüngtai vä! Israel gui naw ng’tuk bi vai ah m’gäi ci gui nei; chang gui yei ne ami mät ah ngaih ah ng’düitho ci gui nei.

SUKI GUI 5:2 Referans Kwoze

SUKI GUI 5:9

Kei ah ka m’lung cu Israel gabawi gui la yei ne amät ah ngaih ah düihtho ciah chang gui awn, a täng ah om ci nei, Bawipa m’hlüng tai nei!

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

2 SHONTÄP NAK 17:16

Ak thum nak cu Zichri ah hta Amasiah ah kyak ci, aka ung gakap 200,000 om ci. (Amasiah cu amät ah ngaih ah Bawipa ah bii bik ciah kyak ci.)

PHILIPPIAN 2:13

A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

PHILIMON 1:14

Cun ung phi kei naw nang ning hnem ne, nak püi vai ah kä ka ng’ya hlük ci, na mät naw nam hni ah na bilawh vai ah ka yum ci. Cun ah kyasei nang naw kä na yum tu cu kei naw api phi kä ka bik khai.

2 KORIN 9:7

Ak chang sing naw amät ah m’lung ung ayum nak awn a peittaak vai, ng’vang lang ne kä a peit vai, kä peit ung kä bä khai ciah ngai ne kä a peit vai; Khanpughi naw am lung yei nak awn pek ci cun vah m’hni ci.

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

1 KORIN 9:17

Kei naw ka mät ah ng’päiom ah bi ka bik ciah a kyak vai sü ung ng’cheng ka gah khai süte: Cun ung phi shin ah bi cu Khanpughi naw a na ap ah kya sei bülüüng ne ka bi ah kyak ci.

SAM 136:15

Egypt ghangpughang la a gakap gui cu cun ah tui ung shum gui ci; Ani ah m’hni nak cu ng’täi ci nei.

SAM 97:8

Zion chang gui cu yei ci gui, Judah mang gaw gui cu yeikyai ci gui, cun cu düng ciah na m’khoi m’cha ah hmawk ah kyak ci nei, Bawipa.

SAM 94:1

Bawipa, nang cu m’kyuk ciah Khanpughi ah na kyak ci; na m’lungshe nak cu ng’leet law sak ä!

SAM 48:11

Zion chang gui cu yeikyai u sä! Nang naw düng ciah m’khoichaa nak na pek ci; Judah mang gaw gui ung yeikyai nak om sä!

SAM 18:47

Ka gaa gui ah khan ah näng nak cu ani naw na pek ci nei; pakhui gui cu kei ah ka ah om sak ci,

NEHEMIAH 11:2

Jerusalem ung amät ah hmat ah om tuk ci gui cu chang gui naw m’tam ci gui.

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

THULÄÄN NAK 33:21

Ngami naw ami mät ah phäh ah khaw aknipi lak ci gui. Khawngmang ciah akchaw cu ngami ung ap gui ci. Ngami naw Bawipa ah thumkhän gui thukhän gui cu läk ci gui. Cun cu Israel gui ah ami khawngmang gui, a täng ah ami bum sang ung ah kyak ci.

SAM 103:2

Ka mumcha, Bawipa cu m’taam khah ä, a i hlawk ah m’gein nak a om cu kä m’hnih en ä.