SUKI GUI 5:19 - Cho Bible Common Language 2016

¹⁹ Mekiddo tui-kem, Taanakh ung ghangpughang gui law ne tu lawk ci gui: Kanaan ghangpughang gui naw tu lawk ci gui, cun ung phi ngami naw a i ngui phi kä püi ci gui.

SUKI GUI 5:19 Referans Kwoze

SUKI GUI 5:30

“Ngami naw ami khäm vai la ami ng’pai gui vai ah khawh cu shui ci gui nei, gakap päng ah chei awn piam ah äh awi ah kyak khai nei” cik ci gui.

SUKI GUI 1:27

Manasseh pakhui gui naw, Beth Shan, Taanach, Dor, Ibleam, negiddo mang gaw gui la a pei zung ah gawnu gui ung om ciah chang gui cu kä k’täm ci gui; Kanaanit gui cu acun ung om tu gäk gäk ci gui.

1 GHANGPUGHANG GUI 4:12

Ahilud ah hta Baana: Mang gaw gui: Taanach, Mekiddo, la Beth Shan ah pei ah khawpäng avan, Zarethan gawnu pei, Jezreela gawnu ah a htumtäng Abel Meholah la Jokneam mang gaw ung khüt ci.

THU PHLAAN 19:19

Cun kawn ah khiküi ni, khomdek khan ung ghangpughang gui la, ami gakap gui ni naw, ng’se bawk ng’cum ci la a gakap gui cu ng’tuk vai ah ng’cut law u sei ka hmuk ci.

SAM 44:12

Nang naw nak chang gui cu api ah yoi ci sei, Ngami cu api phu nak ci gui.

SUKI GUI 4:13

ani naw m’si natha phia kaw la akchang gui avan khü gui neta, chang khuihei gui ah om nak Harosheth ung ka Kishon Tuinu ah tüi gui ci.

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

ATÜNNAK 4:16

Kain cu Khanpughi ah ma ungka dawng ne Eden dum ah hni law lam Nak ah khaw ah hteit ne om ci.

THU PHLAAN 16:16

Cun kawn ah mümcha gui naw ghangpughang gui cu khü gui yawp u ne, Hebrew ng’thu awn Armakeddon ami ci nak ah hmun ah k’bum gui ci gui.

2 GHANGPUGHANG GUI 23:29

Josiah cu ghangpughang ah a kyak sang ung, Egypt ghangpughang Neko cu Assiria uktu hun khai ah a gakap gui awn Euphratis Tuinu ung gawk lawk ci gui. Ghangpughang Josiah naw Egypt gakap gui khan gui khai ah law te ci, Mekiddo ung ng’tu u neta, ami ngawn ah kyak ci.

2 SHONTÄP NAK 35:22

Cun ung phi Josiah naw ng’tuk vai ah k’bäi pyi ci. Ghangpughang Neko ung Khanpughi naw ng’thu a pyen cu ani naw kä ngai ci, cun ah kyasei ani naw amüi khukhlat ne Mekiddo khawdo ung ng’tuk bik ci.

JOSHUA 12:21

Taanach, Megiddo,

JOSHUA 17:11

Issakha la Asher ah khopäng kyong ungka Manasseh ah kaa gui cu Beth Shan la Ibleam ah kia ne, ami pei yung ah gawnu gui mah ah kyak ci. Acun ah mäih ah Dora (Tuikem ung tumat ah kyak ci), Endor, Taanach, Mekiddo, la ami pei yung ah gawnu gui mah ah kyak ci.