SUKI GUI 5:18 - Cho Bible Common Language 2016

¹⁸ Cun ung phi Zebulun la Naphtali chang gui cu ng’tuk nak ung ami hnun gui pe ne k’tha nak ci gui nei.

SUKI GUI 5:18 Referans Kwoze

SUKI GUI 4:10

Barak naw Zebulun la Naphtali pakhui chang phia phia cu khü ne Kedesh ah hteh püi ci, Deborah cu ngami awn a täng ah hteit tuk ci.

SUKI GUI 4:6

Hnüüp ät ung ani naw, Naphtali khaw, Kedesh mang gaw ung ka Abinoam ah hta Barak cu tüi neta, “Bawipa Israel ghangpughang naw shin ah thumkhäm ning pe gui ci: ‘Naphtali la Zebulun pakhui ung ka chang phia phia la neta Tabor m’htung ah hteh püi gui vä.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

1 JOHAN 3:16

Bawi Khrit naw mikmi ah hmawk ah a hnun gui cu a peit ah kyasei, mikmi naw m’hni nak akcang cu mi hmat ci. Mikmi phi mi phäi nau ah phäh ah mi hnun gui mi peit vai hlü ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

SUKI GUI 4:14

Cun kawn ah Deborah naw Barak am, “Hteitä! Bawipa naw lam ning m’shüm ci nei! Tuhngawi ani naw Sisera ah khan ah näng nak ning pek ci nei” pyen nak ci. Cun ah kyasei Barak cu ak chang phiaphia awn a täng ah Tabor m’htung ungka naw yu kyum ci gui.

SUKI GUI 6:35

Ani naw Manasseh khawpäng avan ung chang gui tüi ne, khü gui ne gawt sak gui ci. Ani naw Asher, Zebubun la Naphtali pakhui gui phi chang tüi ne khü gui sei, law u ne ng’dawn ne gawt tuk si gui.

SAM 68:27

Ak htük bäih ah Benjamin, akyaw pi bäih pakhui lawk ci, cun kawn ah Judah ng’vai gui, cun ah hnu ah Zebulun la Naphtali ami ng’vai gui naw läk lawk ci gui.

ATÜNNAK 35:23

Leah ah hta gui cu Reuben (angvaipi), Simeon, Levi, Judah, Issakha, la Zebulun ah kyak ci.

ATÜNNAK 35:25

Rachela ah shäm Bilhah ah hta goi cu Dan la Naphtali ah kyak ci.