SUKI GUI 5:13 - Cho Bible Common Language 2016

¹³ Bekhüt ciah chang gui ami ng’vai gui ah lawk ci gui nei; Bawipa ah chang gui cu ng’tuk ge vai ah ani ah lawk ci gui nei.

SUKI GUI 5:13 Referans Kwoze

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

EZEKIEL 17:24

Shin ah khaw ung shing ghing avan naw kei cu Bawipa ah na hmat khai gui. Kei naw sing ghing ng’gho gui cu chu ne, aläm gui cu ka ng’ghaw ba sak khai. Kei naw ng’kying ciah sing gui cu ng’yai sak ne, Chawng ciah sing gui cu ka ng’kying ba sak khai. Kei, Bawipa naw ka pyen nei, kei naw ka bi vai ah ka pyen cu ka bik khai nei.”

SAM 75:7

Khanpughi amät cu m’kho m’chak ciah kyak ci, amshah cu m’kyuk ne amshah cu m’hlawt ci.

SAM 49:14

Ngami cu htome ah mäih ah khomü sei sik ci gui, sih nak cu ngami ah htoshäm ah kyak ci. Ng’düng ci gui naw ngami cu näng gui sei, ami pumsa cu ang ghit ah thuka ne, ami im awn ng’shawng ciah sih nak ah kho ah gawk ci.

SUKI GUI 5:12

Ma tawn ä, Deborah, ma tawn ä! Ma tawn ä! Ng’äi m’cu ä! Ma tawn ä! Matäng ah hteit ä, Abinoam ah hta Barak aw, na chang pha gui a hei ah hteh püi güi ä!

SUKI GUI 5:14

Ngami cu Ephraim ungka khaw nawi ah lawk ci gui, Benjamin pakhui la ak chang gui ah hnu ah läk lawk ci gui. Gabawi gui cu Machira ungka lawk ci gui, Bawi gui cu Zebulun ungka lawk ci gui.

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.