SUKI GUI 5:11 - Cho Bible Common Language 2016

¹¹ Ngai vä! Tui shawk ah ng’veing ung chang k’da ng’üng cang ci gui nei, ngami naw Bawipa ah näng nak pyen ci gui, Israel chang gui ah näng nak pyen ci gui nei! Bawipa ah chang gui cu ami mang gaw gui ungka ng’phäi lawk ci gui nei.

SUKI GUI 5:11 Referans Kwoze

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

1 SAMUEL 12:7

Tuhbäi nami om nak ung nami ng’düih vai, nami pupa gui la nangmi ning hun gui khai ah Bawipa ah küika ciah hnün thawh nak avan ka ning m’shüm thein nak ba gui ah Bawipa ah ma ah kei naw ka ning chah gui khai.

SUKI GUI 5:8

Israel chang gui naw Khanpughi gui ak thai ami ghü kawn ah, khaw ung ng’tuk nak om ci nei. Israel chang phya, phya phli kip ung ka, Shawi käcung k’htei kawt ci a u om ne ang?

NG’ÄI KYAH 5:9

Chang ngawn ci gui cu khaw päng avan ung ng’hle ci gui. Ghin nak khüt sak ne ei vai kami shui ci.

NG’ÄI KYAH 5:4

Tui mi awk ah phäh ah a phu mi pek khai, Mei ung mi cih vai ah hlü ciah sing cu mi khleih khai.

ISAIAH 28:6

Suki ah kya ne bi bik ci guiam taga nak la mang gaw m’kawt ami tuk nak vai yung ka ghung ci gui aw thamah nak ah m’lung ngaih cu ani naw pe gui khai nei.

ISAIAH 12:3

Tuigei naw tui gha ci a yei sak ah mäih ah, khanpughi naw a chang gui cu hun gui sei, yeikyai ci gui nei.”

JOB 29:7

Mang gaw ung ang vaihta gui awn kami ng’hmuh law ung, ami ng’lung ah kei cu ka ngo man ci.

THULÄÄN NAK 22:24

Nangmi naw pigaw pung ah hteh püi goineta, lung awn vawi ne nami ngawn goi vai. Hnumi hta cu a sih vai kyak ci, a i ah kyasei ci ung cun ah chang naw ang yak nak vai ah gawnu kyong ah kya pang sei phi, ani cu chang naw a gun tu vai ah kä m’lau ci. Pami phi a sih vai kyak ci, a i ah kiasei ci ung ani cu ami beik pyi ah hnumi hta awn ng’yaw ci goi ah kyak ci. A cuk cha ah nangmi naw akshe cu nami nawt heng vai.

SAM 145:7

Ngami naw bä ciah na ni nak ah mawng pyen u ne, na m’gein nak ah a ni ah mawng ng’äi m’cu khai gui.

ATÜNNAK 24:11

Ani cu gawk neta gawnu ah akpung ah om ciah tui shawk pei ah kalauk gui cu ng’baw sak gui ci. Acu ah a khin cu khaw k’awi nu, hnumi gui naw tui ami than nak ah a khin ah kyak ci.

ATÜNNAK 29:2

Ani naw ang ghit ah tuishawk tumat cu laima ah hmuk ci. A cun ah pei ah htawme mak thum ng’baw ci gui. Htawme gui cu a cun ung tui ami tu gui ciah kyak ci. Tui shawk ah m’kawt pei ah lungnu om ci.

ATÜNNAK 29:3

Htawme gui tui ami tu law vai ung htawshäm gui naw, cun ah lungnu cu m’hlat u neta, tui ami tu yawp ung a cun ung m’shän ba ci, ci gui.

THULÄÄN NAK 33:21

Ngami naw ami mät ah phäh ah khaw aknipi lak ci gui. Khawngmang ciah akchaw cu ngami ung ap gui ci. Ngami naw Bawipa ah thumkhän gui thukhän gui cu läk ci gui. Cun cu Israel gui ah ami khawngmang gui, a täng ah ami bum sang ung ah kyak ci.

SUKI GUI 11:40

Cun ah kyasei hnumi hta gui cu Kilead ah ka, Jephthah ah hta hnumi ah phäh ah, a kum tä sei, hnüüp phli ci, a hei ah hteit ne kyap m’lau ci gui.

SAM 71:15

Nang ah ni nak cu ka pyen khai; a hnüüp pum ung na hun nak cu ka ngak khai, cun cu kei ah hmuh hmat ah mä bä pi ci nei.