SUKI GUI 4:6 - Cho Bible Common Language 2016

⁶ Hnüüp ät ung ani naw, Naphtali khaw, Kedesh mang gaw ung ka Abinoam ah hta Barak cu tüi neta, “Bawipa Israel ghangpughang naw shin ah thumkhäm ning pe gui ci: ‘Naphtali la Zebulun pakhui ung ka chang phia phia la neta Tabor m’htung ah hteh püi gui vä.

SUKI GUI 4:6 Referans Kwoze

HEBRU 11:32

Kei naw k’täi ne ka pyein ba vai ang? Gidean, Barak, Samsan, Jephthah, David, Samuel la profet gui ah mawng ka pyein nak vai a khin kä ng’büh ci nei.

LAMKTU 13:47

Bawipa naw ana peit gui ah thukhän cu: “Kei naw nangmi cu changpakhui hei gui ah hmawk ah, akdei ah ka ning m’düih gui ci, Cun ah kyasei khomdek khan avan naw hun nak gah khai, ci ne pyein ci” cine pyein sak ci goi.

SUKI GUI 8:18

Cun kawn ah Kideon naw Zebah la Zalmunna cu ng’shi goi ci. Tabor ung nami ngawn gui ah chang gui cu a i hawk cha ang?” Ngami naw m’shang ne, “Ngami cu nag ah mäih lawk ci gui, ak chang sing cu ghangpughang ah hta ah mäih lawk ci gui.”

JOSHUA 19:37

Kedesh, Edrei, Enhayor,

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,

JEREMIAH 46:18

Kei cu m’gäi ciah Bawipa, ghangpughang. Kei cu ghing ciah khanpughi. Tabor m’htung cu m’htung gui ah khan ah ang tai ah mäih, Karmela m’htung cu tuinu ah khan ah a hlüng ah mäih ah, tumat ah k’tha mah nak naw ning tuk gui khai.

SAM 89:12

Nang naw htum la siip cu na tüisho ci; Tabora la Hermon m’htung naw yeikyai ne ng’äi ning m’cu ci goi nei.

SAM 7:6

m’lungshe ne tho law, Bawipa! Ng’düi law ne, ka ga gui ah m’lung so nak cu hnu ng’tuk püi gui ä; Na mät tho law ne kei cu na m’htei ä! Taga nak cu nang ah m’düih ah kyak ci.

1 SAMUEL 10:3

Nang cu cun ungka naw na hteit khai, theing ciah sing ghing ah om nak Tabor ah kä na law pha ah chuih, cun ah lam ung, Bethela pigaw ah Khanpughi am khawihnah nak douthak khai ah ana lawk ciah chang thum cu na hmuk khai. Chang tumat naw me nong thum so khai, tumat naw m’htut pum thum kawt khai, tumat naw sapyit tui be ciah ng’ip k’bah khai.

SUKI GUI 5:1

Cun hnüüp ung Deborah la Abinoam ah hta Barak cu shin ah ng’äi ci goi:

SUKI GUI 4:10

Barak naw Zebulun la Naphtali pakhui chang phia phia cu khü ne Kedesh ah hteh püi ci, Deborah cu ngami awn a täng ah hteit tuk ci.

JOSHUA 21:32

Naphtali gui ah khopäng ungka, mang gaw thum gah ci gui, Kalile ung Kadesh la acun ung khuli khaw gui (ng’yiinak mang gaw tumat), Hammoth, Dor, Kartan, la acun ung khuli khaw gui.

JOSHUA 19:32

A chuk nak ah pek gui cu Nahtali pakhui kyongchang gui ah hmawk ah kyak ci.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

JOSHUA 19:22

Khogii naw a sun pah cu Tabor, Shahazumah, la Beth Shemeh ah kya ne, Jordan ung khüt ci. Cun cu mang gaw gha lei chuk la angveing ung ah gawnu gui mah ah kyak ci.

SUKI GUI 6:35

Ani naw Manasseh khawpäng avan ung chang gui tüi ne, khü gui ne gawt sak gui ci. Ani naw Asher, Zebubun la Naphtali pakhui gui phi chang tüi ne khü gui sei, law u ne ng’dawn ne gawt tuk si gui.

1 SAMUEL 12:11

Cun ung Bawipa naw Gideon, Barak, Jephthah la ak hnu ah kei cu na tüi gui ci. Keimi tumat ci naw nami ga ung ka, kami ning hun gui ci, nangmi phyawng ne nami om ci.

JOSHUA 19:35

Mangpaang mang gaw gui cu Ziddim, Zer, Hammath, Rakkath, Chinnereth,

SAM 89:13

Nang cu na hlüngtai aih ci nei! Na thagui cu dämduh aih ci nei.