SUKI GUI 4:5 - Cho Bible Common Language 2016

⁵ Ani cu Ephraim khaw-gui Ramah la Bethela ah ng’lak ung Can ghing ka ah ngaw bäk bäk ci, Israel chang gui cu ani naw am khoimcha gui vaih a cu ah hteit ci ci gui.

SUKI GUI 4:5 Referans Kwoze

JEREMIAH 31:15

Bawipa naw pyen ci, “Ramah ung k’aw tumat cu ka ng’yak ci nei. Cun cu akshe ah kyah ah k’aw ah kyak ci. Rachela cu a hta nau gui ah phäh ah kyap ci; Ngami cu hteit pyi ci gui kya sei, ani cu ami k’büi vai phi kä ng’ya hlük ci.

1 SAMUEL 1:1

Elkanah ming nak ciah chang tumat om ci, ani cu Ephraim pakhui ah kyak ci, Ephraim kho m’htung nawi Ramah gawnu ah om ci. Ani cu Jeroham ah hta Elihu ah tu ah kyak ci, Tohu kyong khui, Zuph pa ng’pai ung ka ah kyak ci.

JOSHUA 18:25

Cun kawn ah Kibeon, Ramah, Beeroth,

JOSHUA 18:22

Beth Arobah, Zemaraim, Bethela,

JOSHUA 16:2

Bethela ungka naw Luy ung hteit ne, Archit gui ah om nak ah Ataroth Addar kaan pah ci.

PHYAWN NAK 18:26

Ngami cu suki ah kya ne chang gui ah phäh ah aka ung bii bik ci gui. Kä ami m’khüt cu Moses ah hteh püi u ne, yäi ci gui cu ami mät naw pyi phleh ci gui.

PHYAWN NAK 18:19

Tuhbäi akni ah ka ning m’cäi khai, Khanpughi naw ning om püi khai, Khanpughi ah ma ah chang gui na ng’dang ba sak gui vai la ami ng’cuhcan gui na hteh püi vai cu düng ciah nang ah bi ah kyak ci.

PHYAWN NAK 18:13

A ngawi ung Moses cu chang gui ng’cuhcan püi gui ne ngok ci. Ani cu khaw ngawi ah tün ne mü ne tawt law ci.

ATÜNNAK 35:8

Rebekka m’htei ciah sei sayama Deborah cu si sei, Bethela ah a htumtäng hlim sing ah kaa ah k’phuh u neta, cun ah sing cu Allobakut ah sui ci gui.

1 SAMUEL 25:1

Samuel si sei, Israel chang gui ami van a täng ah law ne thüi kyap ci gui. Ani cu Ramah ah amät ah im ah k’phuh ci gui. Cun kawn ah David cu Param bungpuk ah hteit ci.

1 SAMUEL 1:19

A ngawi ung kho ngawi Elkanah la akyong ung ka gui cu hang kai ngawi u ne, Bawipa ami khawihnah kawn ah, Ramah, ami im ah hteit ci gui Elkanah cu akchu Hannah awn ng’yaw ni neta, Bawipa naw ani ah k’taigü cu m’shang ci.

PHYAWN NAK 18:16

Chang hnih goi naw ani ng’cuh a om law ah a kyak ung, kei ah lawk ci goi. Kei naw a u hman ciah ng’thumcha neta, Khanpughi ah thumkhän la thukhän cu ka m’thein gui ci” cik ci.

SUKI GUI 4:4

Cun sang ung Lappidoth ah chu Deborah cu prophet ah kya ci, Israel gui ah suki ah kya ne bi bik ci.

1 SAMUEL 22:6

Hnüüp ät ung Saul cu Gibeah khaw, ng’yung ah m’dum ghing ka ah ngoh ci, ani cu k’htei kawt sei, a bawi gui naw veing ne ng’düi ci gui. David la ak chang gui kami hmuk ci nei, cine m’thein law u khäta,

1 SAMUEL 7:17

Ani cu Ramah a im ah hteit ba ci, acun cu taga suki ah bi abi nak ah kyak ci. Ramah ah ani naw Bawipa ah hmawk ah mangkiang co ci.