SUKI GUI 4:21 - Cho Bible Common Language 2016

²¹ Sisera cu cüm aih neta ip phiäih ci. Cun kawn ah Jael naw ng’ki la htung m’shum la ne, a pei ah a düm ah hteit neta, a hnga m’ling ung htung k’süh ne, a lu ung ng’täih ne m’dek ung ng’cai khai ah khen ci.

SUKI GUI 4:21 Referans Kwoze

1 KORIN 1:27

Cun ung phi Khanpughi nawhmuhmat ciah chang gui ah ng’aa nak vai ah chang k’shekha gui cu ghü gui ci; Thamah ciah chang gui ah lü nak vai ah ak tha m’yu gui cu ghü gui ci.

SAM 3:7

Law ä, Bawipa! Na hun ä, Ka Khanpughi! Ka ga gui avan cu na m’kyuk gui ci, Ami na huut nak ah huham phi maih sak ci.

SUKI GUI 3:21

Ehud naw akpat täng pheikhaw ung ka khim cu, ak eng täng kut awm yu saw neta, ghangpughang ah a poi cu k’tawk ci.

1 KORIN 1:19

Cacim ung; “Cüi vai ci gui ah lunglang nak cu di sak ne, Langkhaa ci gui ah hmuhmat nak cu ka heng khai ne!” ciah om ci.

1 SAMUEL 17:43

Ani naw David am, “Cän ah htung a i na haw nak vai ang? Kei ui ah na na ngai ne ma?” ci nak ci. Ani naw amät ah Khanpughi khü ne David cu taam ci.

SUKI GUI 15:15

Cun kawn ah ani naw kä a shou pha ung sik ciah sela ah am kha guh cu hmu neta, kawp ne yuk la neta, acun am chang phia gha ngawn gui ci.

SUKI GUI 3:31

Cun tawi lawk ciah ami ng’vai cu Anath ah hta Shamkar ah kyak ci. Ani naw htung m’shum awn philistine chang phya chuk cu ngawn gui ne, Israel gui cu gung gui ci.

SUKI GUI 4:9

A ni naw, “Bä kaw, nang awn a täng ah kei ka hteit tuk khai, cun ung phi näng nak ah phäh ah nang naw bä mtam nak kä na gah khai, a i ah kyasei ci ung Bawipa naw Sisera cu hnumi ah kut ung ap khai.” Cun ah kyasei Deborah cu Barak awn a täng ah Kadesh ah hteit tuk ci.

SUKI GUI 4:20

Ani naw hnumi am, “phung ah m’kawt ung na ng’düih vai, chang tumat mat law ne, shin ung chang om ne ang? cine a ning shi ung, ka nei, na ci vai” cik ci.

SUKI GUI 4:22

Barak naw Sisera shui ne law khäta, Jael naw ani hmuk khai lut law ne a pyen nak cu, “Shi ah law ä! Nang naw na shui ah chang cu ka ning m’hmuh khai nei” cik ci. Cun ah kyasei ani cu cunnah hnumi awn a täng ah lut tu neta, Sisera cu a lu ung htung ng’kiang sei, m’dek ung si ne ng’yän sei hmuk ci.