SUKI GUI 4:2 - Cho Bible Common Language 2016

² Cun ah kyasei Bawipa naw Hazor mang gaw uk ciah Kanaanit ghangpughang Jabin am tu ne näng gui sak ci. Ani ah gabawi cu Sisera, chang khuihei gui ah om nak Hazosheth ung ka ah kyak ci.

SUKI GUI 4:2 Referans Kwoze

SUKI GUI 4:16

Barak naw yatha gui la gakap gui cu khuihei gui ah om nak Harosheth ung khüt ne gawt gui ci, Sisera ah gakap avan ngawn gui ci gui, chang tumat phi kä k’pawih ci.

SUKI GUI 4:13

ani naw m’si natha phia kaw la akchang gui avan khü gui neta, chang khuihei gui ah om nak Harosheth ung ka Kishon Tuinu ah tüi gui ci.

JOSHUA 11:1

Israel gui ah näng nak ah mawng cu Hayor ghangpughang Jabin naw ng’ya neta, Madon ghangpughang Jobab, Shimron la Achshaph ghangpughang gui am ng’thu m’khäh gui ci.

SAM 83:9

Kishon tuilawng pei ah Midianites, Sisera la Jabin ah khan ah na bi ah mäih ah n gami ah khan ah na bi vai nei.

1 SAMUEL 12:9

Cun ung phi chang gui naw Bawipa ami Khanpughi cu m’hnih ci gui. Cun ah kyasei ani naw Philistin gui, Moab ghangpughang Sisera, Hazor mang gaw ung gakap bawi cu lam shüm gui ne, nami pupa gui cu ng’tuk püi gui sak ne, näng sak gui ci.

SUKI GUI 10:7

Cun ah kyasei Bawipa cu Israel gui ah khaw ah m’lungshe neta, Philistin gui la Ammonit gui am tu ne khäm sak gui ci.

MATTHE 18:25

Ani naw a pu cu kä thung hlawt khätah, amät la ak chu a hta ni, a khawh cham ni avan cu yoi ne a thung vai ah ghangpughang naw k’bäi ci.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

JOSHUA 19:36

Adamah, Ramah, Hayor,