SUKI GUI 4:19 - Cho Bible Common Language 2016

¹⁹ Ani naw cun ah hnumi am, “Na bä ni, tui khap ät na tu ä; tui ka gha ci nei” cine pyen ci. Ani naw mehvun um hmawng ne sei suuk awk sak neta, thup ba ci.

SUKI GUI 4:19 Referans Kwoze

JOHAN 4:7

Samaritan hnumi cu tui than khai ah law khätah Bawipa Jesuh naw, “Tui na tu toä” cik ci.

ISAIAH 41:17

Ka chang gui naw tui ng’ya hlü ne ami shui sang ung tui gha u ne ami gawn aket sang ung, kei, Bawipa naw ami taigü cu ka m’shang gui khai; kei, Israel khanpughi naw kä ka nawng gui phung khai.

1 GHANGPUGHANG GUI 17:10

Cun ah kyasei Elijah cu Zarephath ah hteit ne, gawnu ah m’kawt ung a gawk law sang ung, sing lak ciah hmeinu cu hmuk neta a pyen nak cu, “Tui khap ät na thak law ä,” ci sei,

ATÜNNAK 24:43

Kei cu tuishawk pei ah ka om ci. Tui than khai hnumi hta a law ah a kyak ung, a tui hlüng ungka tui a na tu tu vai ah ka k’thäh khai.

SUKI GUI 4:18

Jael naw Sisera va hmuk khai ah lut law neta, ani am a pyen nak cu, “Bawi aw lut law; ka phung kyong ah lut law ä. Kä kyikyawk en ä” cik ci, cun ah kyasei, ani cu kyong ah va lut ci, ani naw gabawi ci yih ung hnu ah thup ci.

SUKI GUI 4:20

Ani naw hnumi am, “phung ah m’kawt ung na ng’düih vai, chang tumat mat law ne, shin ung chang om ne ang? cine a ning shi ung, ka nei, na ci vai” cik ci.

SUKI GUI 5:24

Yeikyai nak om pikbäih ciah hnumi cu Jael ah kyak ci, Kenite chang Heber ah chu ah kyak ci phung ung om ci hnumi gui ung yeikyai nak pikbäih ah hnumi ah kyak ci.