SUKI GUI 4:16 - Cho Bible Common Language 2016

¹⁶ Barak naw yatha gui la gakap gui cu khuihei gui ah om nak Harosheth ung khüt ne gawt gui ci, Sisera ah gakap avan ngawn gui ci gui, chang tumat phi kä k’pawih ci.

SUKI GUI 4:16 Referans Kwoze

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

ROMAN 2:12

Moses ah thukhän kä hmat ci gui ah chang khui hei gui cu, katnak ami bi ung thukhän ah k’pung ah dimaih ci gui kyak ci. Thukhän hmat ci gui ah Jew chang gui cu, katnak ami bi ung thukhän ah m’khoichaa nak cu gah ci gui.

ISAIAH 43:17

Ani naw m’gäi ciah gakap gui m’di gui ci, yatha la ng’se gui phi m’di gui ci. Ngami cu kyu ne ng’tak ci gui, kä tho ba ci gui, meikdäi k’phät ah mäih ah kyak ci gui!

SAM 104:35

Khomdek khan ung chang kaa gui cu m’di gui sä, changshe gui cu kä om ba u sä. Bawipa m’taam ä, ka mumcha! Bawipa m’taam ä!

SAM 83:9

Kishon tuilawng pei ah Midianites, Sisera la Jabin ah khan ah na bi ah mäih ah n gami ah khan ah na bi vai nei.

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

PHYAWN NAK 14:28

Tui cu ng’hlat ne yatha gui, ng’cum ci gui la Egypt gakap gui ami van cu hteh gui ci. Ngami naw tui ah khüt ne Israel gui cu läk law gui ci gui ah kya ne tumat phi kä pawih ba ci gui.

SUKI GUI 4:2

Cun ah kyasei Bawipa naw Hazor mang gaw uk ciah Kanaanit ghangpughang Jabin am tu ne näng gui sak ci. Ani ah gabawi cu Sisera, chang khuihei gui ah om nak Hazosheth ung ka ah kyak ci.

SUKI GUI 4:17

Sisera cu Kenite chang Heber ah chu Jael ah phung ah dawng ci, a i ah kyasei ci ung Hazor ghangpughang Jabin cu Heber ah kyong chang awn ng’khawt ci gui ah kyak ci.

JOSHUA 10:10

Bawipa naw Amorit gui cu Israel gakap gui ah ma ah ang ghit ah kyikyawk sak gui ci. Israel gui naw Kibeon ung ngawn gui u ne, Beth Horon phlän ciah khomhtung ah khüt ne gawt gui u ne, ahtum täng Ayekah la Makkedah ung khüt ne k’pang ne tu gui ci gui.

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.