SUKI GUI 3:9 - Cho Bible Common Language 2016

⁹ Cun kawn ung Israel gui cu Bawipa ah ma ah kyap ne m’lau ci gui, cun ah kyasei ngami m’hlaut gui khai ah chang cu ani naw tüi lawk ci. Cun cu Kaleb ah nau ak hmaw pi Kenaz ah hta Othniela ah kyak ci.

SUKI GUI 3:9 Referans Kwoze

SUKI GUI 3:15

Cun kawn ah Israel gui cu Bawipa ah ma ah kyap m’lau u sei, ngami m’hlawt gui khai ah chang tumat tüih gui ci. Ani cu Ehud ak eng ah ng’hlawi ci, Benjamin pakhui Kera ah hta ah kyak ci. Israel chang gui naw Ehud cu douthak vai hteh püi ne Moab ghangpughang Eglon ah hteh sak ci gui.

SUKI GUI 1:13

Othniela, Kaleb ah nau Kenaz ah hta naw mang gaw cu tu ne näng sei, Kaleb naw a hta hnumi Achsah cu akchu nak vai ah pek ci.

SUKI GUI 10:10

Cun kawn ah Israel gui naw kyap m’lau u ne, Bawipa ung thu ami pyen cu, “Keimi naw nang ning hnung’tuk püine kami shekak ci nei, Kami Khanpughi nang ning nawng ne, Baala kami khawihnah ci nei” cik ci gui.

SUKI GUI 6:7

Cun kawn Israel chang gui cu Midianit gui hnu ng’tuk nak püi ung Bawipa naw am htei gui vai ah kyap m’lau ci gui,

SAM 22:5

Ngami naw ning khü u sei, nang naw nak phyawn gui ci; Nang ning ngaih u ne, kä thüi sei ci gui.

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

SUKI GUI 2:16

Cun kawn ah Bawipa naw Israel gui am, tu gui ciah ga gui ung hun gui khai ah ami ng’vai gui cu pe gui ci.

SAM 78:34

Ani naw a ngawn gui ung k’pawih ba ci gui cu ani ah law ba ci gui; ngami cu ng’yu ba u ne, ani ah ma ah akni ah taigü ci gui.

NEHEMIAH 9:27

cun ah kyasei ngami cu ami ga gui am näng sak gui ne na uk sak gui ci. Ngami ami khüikha yah ung na m’htei gui vai ah ning thäh u sei, Khankho ah ka naw na m’shang gui ci. Dämduh ciah na chimgein nak awn ami ga ung gung gui khai ah angvai gui cu na tüih pe gui ci.

1 SAMUEL 12:10

Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

JOSHUA 15:17

Othniela, Kaleb ah phäi Keney ah hta naw mang gaw cu tu ne khäm sei, Kaleb naw a hta hnumi Achsah cu chu na sak ci.

SUKI GUI 3:8

Cun ah kyasei Bawipa naw Israel gui ah khan ah m’lungshe neta Mesopotamia ghangpughang Kushan Rishathaim ah tu ne näng sak ci, ani naw kum cheit ung uk gui ci.

SUKI GUI 2:18

Bawipa naw Israel am ang vai tumat a pek pang ung, cun ah ang vai a ghin ah chuih Bawipa naw ani cu n’htei ne, chang gui phi ami ga ah kut ung ka hun gui ci. Ngami cu ng’ho ei nak, aktä yaica nak la shedam nak ung ami gawk yah ung Bawipa naw chimgei gui ci.