SUKI GUI 3:8 - Cho Bible Common Language 2016

⁸ Cun ah kyasei Bawipa naw Israel gui ah khan ah m’lungshe neta Mesopotamia ghangpughang Kushan Rishathaim ah tu ne näng sak ci, ani naw kum cheit ung uk gui ci.

SUKI GUI 3:8 Referans Kwoze

SUKI GUI 2:14

Bawipa naw Israel gui ah khan ah m’lungshe aih neta, ng’tuk’bi gui am tuk sak gui ci. Ani naw ga gui avan cu ami khaw ah huham mah sak gui khäta, Israel gui cu ami mät naw ami mät kä shung vong ba hning ci gui.

HABAKKUK 3:7

Kuhshan chang gui cu kyi u ne, Midian chang gui cu ng’hlet u sei ka hmu gui ci.

SUKI GUI 4:9

A ni naw, “Bä kaw, nang awn a täng ah kei ka hteit tuk khai, cun ung phi näng nak ah phäh ah nang naw bä mtam nak kä na gah khai, a i ah kyasei ci ung Bawipa naw Sisera cu hnumi ah kut ung ap khai.” Cun ah kyasei Deborah cu Barak awn a täng ah Kadesh ah hteit tuk ci.

ROMAN 7:14

Thukhän cu mümcha lam ah kyak ciah mi hmat ci, cun ung phi kei cu katnak ah khlei-htein, chang ah hta ah ka kyak ci.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

SAM 85:3

Ngami ah khan ah nam’lungshe nak cu maih sak ne, na ngetngawng nak cu na pyei sak ci.

SAM 6:1

Bawipa, ka m’lungshe en ä, kä na shedam men naä! m’lungshe ne kä na m’kat-en ä!

1 SAMUEL 12:9

Cun ung phi chang gui naw Bawipa ami Khanpughi cu m’hnih ci gui. Cun ah kyasei ani naw Philistin gui, Moab ghangpughang Sisera, Hazor mang gaw ung gakap bawi cu lam shüm gui ne, nami pupa gui cu ng’tuk püi gui sak ne, näng sak gui ci.

SUKI GUI 2:20

Cun kawn ah Bawipa naw Israel gui ah khan ah m’lung she neta a pyen cu, “Kei naw ami pupa gui am, ami khäm vai ah ka ng’thu khan ah thukhän cu shin ah pakhui naw m’shet pyi ci nei. A i ah kyasei ci ung ngami naw kei kä na läk ci gui,

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

THULÄÄN NAK 29:20

Cun ah mäih chang cu Bawipa naw kä mgeinsei ci. Bawipa ah ng’hüüt ciah amlungshe nak naw anu cu hnungtuk püi ne däi ne ui khai. Cun kawn ah shin ah ca-uk ung gak ah leigai avan cu ani ah khan ah ng’kia ne, Bawipa naw ani akbe ah kä am di pha ah chuih om khai.

PHYAWN NAK 22:24

Cun kawn ah m’lungshe ne ng’tuk nak ung ka ning ngawn gui khai. Nami chu gui cu hmeinu ah kyak khai gui, nami hta gui cu ami pa maih khai.

SUKI GUI 3:7

Israel chang gui naw Bawipa cu ami khanpughi ah m’hnih ci gui, ani hnu ng’tuk püi ne sheka u ne, Baala la Asherah ah gup gui cu khawihnah ci gui.

SUKI GUI 3:9

Cun kawn ung Israel gui cu Bawipa ah ma ah kyap ne m’lau ci gui, cun ah kyasei ngami m’hlaut gui khai ah chang cu ani naw tüi lawk ci. Cun cu Kaleb ah nau ak hmaw pi Kenaz ah hta Othniela ah kyak ci.

SUKI GUI 3:10

Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

SAM 44:12

Nang naw nak chang gui cu api ah yoi ci sei, Ngami cu api phu nak ci gui.

SAM 129:1

Israel gui, nami ga gui naw nami hmaw yah ng tün ne a i hlawk ah ami ning dukdeiu nak gui cu pyen vä,

ATÜNNAK 24:10

Cun ah khawh m’htei ciah changshäm cu kalauk gha hteh püi ne Mesopotamia a siiptäng Nahor gawnu ah hteit ci.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

SAM 106:41

Ani naw chang khuihei gui ah huham ung ap gui sei; ngami cu ami ga gui naw uk gui ci gui.