SUKI GUI 3:7 - Cho Bible Common Language 2016

⁷ Israel chang gui naw Bawipa cu ami khanpughi ah m’hnih ci gui, ani hnu ng’tuk püi ne sheka u ne, Baala la Asherah ah gup gui cu khawihnah ci gui.

SUKI GUI 3:7 Referans Kwoze

PHYAWN NAK 34:13

Ami sonkiang gui nami gäi vai, ami lungtung a gup gui nami m’di vai, ami khanpughi ah mäih ah kyak ciah Asherah sing gui cu nami chuk vai.

2 GHANGPUGHANG GUI 23:6

Ani naw khanpughinu Asherah ah a gup cu mang gaw ungka, Kidron Khongnawi ah hteh püi neta, mei awn m’khih ci, m’vut cu khui khai ah güt neta, ng’phuh-hmun ah khan ah phyang ci.

2 SHONTÄP NAK 33:19

Ghangpughang ah ak taigü la acun Khanpughi ah m’shan nak, ani kä ng’yu ba pha ung katnak abi gui-ani naw akshe a bi, Khogam Khawihnah nak ah hmun gui, ani naw a pyan ah khanpughinu Asherah ah gup la ani ah khawihnah ah a gup gui-cun gui a van cu prophet gui ah mawng ca-uk ung guk ah kyak ci.

2 SHONTÄP NAK 33:3

Ani naw apa Hezekiah naw am di pyi ah khogam khawihnah nak ah hmun gui cu co ba ci. Ani naw Baala khawihnah nak ah sonkiang gui co ba ci, khanpughinu Asherah ah gup phi pyang ci, aisi gui phi khawihnah ci.

2 SHONTÄP NAK 24:18

Cun ah kyasei chang gui naw ami pupa gui ah Khanpughi, Bawipa ah Taigüim ung khawihnah nak cu nawng u ne, a gup gui la khanpughinu Asherah ah gup khawihnah nak cu tün ne bik ci gui. Shin ah ami cheishoh nak ah katnak naw Judah la Jerusalem ah khan ah Bawipa ah m’lungshe nak cu law püi sak ci.

2 SHONTÄP NAK 15:16

Ghangpughang Asa naw a pighi Maakah, ghangpughang ah nu ah a kyak nak cu hen pek ci, a i ah kyasei ci ung ani naw kä teng phyak ciah khaw ng’lei ah ni nak khanpughinu Asherah ah gup a pyan ah phäh ah kyak ci. Asa naw a gup cu tu hnget ne, k’shom neta, akhui ah phyit ne Kideon khaw ng’nawi ung mei awn m’khih ci.

2 GHANGPUGHANG GUI 23:14

Ghangpughang Josiah naw lungtung gui cu ci hnget hnget ne, khanpughinu Asherah ah gup gui cu chawm pit yawp neta, a cun gui ah ami ng’düih nak ah hmun cu chang ah guh gui awn be sak ci.

1 GHANGPUGHANG GUI 18:19

Tuhbäi Israel chang gui avan Karmela M’htung ah law ne ami na hmuh law vai ah k’thäh gui ä. Baala ah prophet 450 la Asherah khanpughinu ah prophet 400, Ghangpughangnu Jezebela ah akbäi gui cu nami law püi gui vai nei.

1 GHANGPUGHANG GUI 16:33

Ani naw khanpughinu Asherah ah a gup phi tha ci. Ani naw ayanä Israel ghangpughang gui avan ah ta nui pi khai ah Israel Khanpughi Bawipa ah m’lung cu shet sak ci.

SUKI GUI 6:25

A cu mü Bawipa naw Kideon-am am thein cu, “Na pa ah vantang la ne, kum chih lung ciah a hei vangtang mä la neta, na pa naw Baala ah hmawk ah a cawh ah sowkiang phye ne, acun ah pei ung ka Asherah khanpughinu ah a gup cu na chupit vai.

SUKI GUI 3:12

Israel chang gui cu Bawipa hnu ng’tuk püi ne sheka ba mä ci gui. Acun ah phäh ah Bawipa naw Moab ghangpughang Eglon cu Israel gui ah ta khüighat sak pi ci.

THULÄÄN NAK 16:21

“Nami Bawipa Khanpughi ah hmawk ah sonkiang nami pyan ung khanpughinu Asherah ah sing awn pyan ah a gup cu a pei ah kä nami tha en vai.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

2 SHONTÄP NAK 34:7

A siptäng uknak khaw, khopäng avan ung sonkiang gui avan la Asherah ah a gup gui, a gup gui cu m’dek ung m’vut ah ng’deng khai ah ci neta, tui ng’ui sonkiang gui avan akpi ah ng’deeng khai ah bik ci. Cun kawn ah Jerusalem ah hteit ba ci.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

SUKI GUI 3:8

Cun ah kyasei Bawipa naw Israel gui ah khan ah m’lungshe neta Mesopotamia ghangpughang Kushan Rishathaim ah tu ne näng sak ci, ani naw kum cheit ung uk gui ci.

SUKI GUI 8:34

Ami pei zung ung ami ga avan ung ka hun gui ciah Bawipa ami Khanpughi ah bi cu kä bi ba ci gui.

1 SAMUEL 12:9

Cun ung phi chang gui naw Bawipa ami Khanpughi cu m’hnih ci gui. Cun ah kyasei ani naw Philistin gui, Moab ghangpughang Sisera, Hazor mang gaw ung gakap bawi cu lam shüm gui ne, nami pupa gui cu ng’tuk püi gui sak ne, näng sak gui ci.

1 SAMUEL 12:10

Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

SAM 106:7

Egypt kho ah om tuk ciah kami pupa gui naw, cäcat vai ah Khanpughi ah bi gui cu kä hmat ci gui; Ani naw am hni nak akda vei am dang gui cu m’hnih yawp ci gui, Tuisen tuinu pei ah am gäipi cu hnu ng’tuk püi ci gui.

JEREMIAH 23:27

Ami pupa gui naw kei na m’hnih u ne Baala täng ah ami ng’hlah ah mäih ah, ngami naw ami mang ami m’thein gui phäh ah ka chang gui naw kei na m’hnih khai gui ah ngai ci gui nei.

THULÄÄN NAK 8:11

“Bawipa nami Khanpughi kä nami m’hnih vai ah ng’htei ne nami om vai. Tuhngawi kei naw ka ning pek gui ah ang thumkhän gui cu kä läk ne kä nami om en vai.

THULÄÄN NAK 8:14

Chang ah kä nami ng’shei vai ah nami cimgang vai. Changshäm ah nami kyak nak ah Egypt khaw ungka ning gung gui ciah Bawipa nami Khanpughi kä nami m’hnih vai.

THULÄÄN NAK 8:18

Bühmang law nak vai ah hriham ning pe gui ci cu, Bawipa nami Khanpughi ah kyak ci, cicu nami shüm ba vai. Ani naw shin ah bii bik ci, a i ah kyasei ci ung ani naw nami pupa gui ung abi ah thukhän cu tuhngawi güt ung abekhüt ah hmawk ah kyak ci.

SUKI GUI 8:33

Kideon asih kawn ah Israel chang gui cu Khanpughi ung kä bekhüt ba u ne, Baala cu khawihnah ba ci gui. Ngami cu ami khanpughi Baala awn thukhäm bi u ne,

SAM 106:35

Cun ung phi ngami awn ng’chu ng’la u ne, akshe ami yum nak cu läk tuk ci gui.

SAM 106:36

Khanpughi ah chang gui naw a gup cu khawihnah ci gui, a cun naw ngami cu di sak gui ci.