SUKI GUI 3:31 - Cho Bible Common Language 2016

³¹ Cun tawi lawk ciah ami ng’vai cu Anath ah hta Shamkar ah kyak ci. Ani naw htung m’shum awn philistine chang phya chuk cu ngawn gui ne, Israel gui cu gung gui ci.

SUKI GUI 3:31 Referans Kwoze

SUKI GUI 5:6

Anath ah hta Shamkar a om sang ung, Jaela a om sang ung, Lam k’hteit gui naw khaw kan ne kä hteit ba ci gui, hteithon ci gui cu k’ban lam ung hteit ci gui.

1 KORIN 1:17

Bawi Khrit naw tuihniim nak ka pek khai ah ana tüih ah kä kyak ci. Thu Ni ka pyein khai ah ana tüih ah kyak ci. Cun ah kya sei hnicim chang ah hmuhmat nak ah thu kä pyein ne, kutlam tung ung Bawi Khrih ah sih nak ah hlüngtai nak kä a häu vai ah cun ah Thu Ni bäng pyein vai ah kyak ci.

1 SAMUEL 17:50

Cun ah David naw Koliath cu khim kä bi ah yaili la lung awn hnim ne ngawn ci!

1 SAMUEL 17:47

shin ung om ciah chang gui phung naw, Bawipa naw ak chang gui a hun nak gui vai ah khim la htei kä hlü ci, cicu hmuk khai gui nei. Ani cu ng’tuk nak ung näng nak ah huham kyong ung ning tha gui khai nei” cik ci.

SUKI GUI 15:15

Cun kawn ah ani naw kä a shou pha ung sik ciah sela ah am kha guh cu hmu neta, kawp ne yuk la neta, acun am chang phia gha ngawn gui ci.

SUKI GUI 5:8

Israel chang gui naw Khanpughi gui ak thai ami ghü kawn ah, khaw ung ng’tuk nak om ci nei. Israel chang phya, phya phli kip ung ka, Shawi käcung k’htei kawt ci a u om ne ang?

SUKI GUI 2:16

Cun kawn ah Bawipa naw Israel gui am, tu gui ciah ga gui ung hun gui khai ah ami ng’vai gui cu pe gui ci.

1 SAMUEL 4:1

Cun sangung Philistin gui naw Israel gui cu tuk püi gui vai ah hteit ci gui, cun ah kyasei Israel gui naw ng’tuk püi tu ba gui vai ah pawng ci gui. Israel gui cu Ebenezer ung phung tu ne om u sei, Philistin gui cu Aphek ung om ci gui.

SUKI GUI 10:17

Cun yah ung Ammonit gakap gui cu ng’tuk vai ah pawng u ne, Kilead ung phung tu ne om ci gui. Israel chang gui cu ng’bum ne law u ne, Kilead khaw Mizpah ung phung tu ne om ci gui.

SUKI GUI 10:7

Cun ah kyasei Bawipa cu Israel gui ah khaw ah m’lungshe neta, Philistin gui la Ammonit gui am tu ne khäm sak gui ci.

SUKI GUI 4:1

Ehud a sih kawn ah Israel chang gui cu Bawipa hnu ng’tuk püi u ne, sheka ba ci gui.

SUKI GUI 3:30

Cun hnüüp ung Israel gui naw Moab cu tu hnin ci gui, ami khaw cu khawtum cheitkip ung dimdeih ci.

1 SAMUEL 12:9

Cun ung phi chang gui naw Bawipa ami Khanpughi cu m’hnih ci gui. Cun ah kyasei ani naw Philistin gui, Moab ghangpughang Sisera, Hazor mang gaw ung gakap bawi cu lam shüm gui ne, nami pupa gui cu ng’tuk püi gui sak ne, näng sak gui ci.

SUKI GUI 10:11

Bawipa naw shincha ah m’shang gui ci, “Egypt gui, Amorit gui, Ammonit gui, Philistin gui,