SUKI GUI 3:28 - Cho Bible Common Language 2016

²⁸ Ani naw, “Na läk law vä! Bawipa naw nami ga, Moabit gui ah khan ah ng’näng nak ning pek gui pyi ci nei” cik ci. Cun ah kyasei ngami cu Ehud läk ne kyum law ba u ne Moabit gui naw Jordan tuinu ami kah nak vai ah hmun cu khäm ci gui; ngami naw chang tumat am phi tui kä kah sak ci gui.

SUKI GUI 3:28 Referans Kwoze

SUKI GUI 12:5

Ephraimit gui kä phyawng khai gui ah k’pan nak gui vai ah Kileadit gui naw Jordan tuinu kah nak ah hmun cu khäm ci gui. Ephraimit tumat mat naw, a phyawn vai ah k’tha na ne, tui kat khai ah ak thäh law ah a kyak ung, Kilead chang gui naw ami ng’shi vai, “Nang cu Ephraimit ang?” Ani naw “Ka nei,” a ciah a kyak ung,

SUKI GUI 7:15

Kideon naw cun ah chang ah ng’mang la mang akplan cu ng’ya neta, m’khuuk khodong ne Bawipa cu khawihnah ci. Cun kawn ah Israel gui ah phung ah hteit ban eta a pyen nak gui cu, “Tho vä! Bawipa naw Midian gakap gui ah khan ah näng nak ning pe gui pyi ci nei!” cik ci.

SUKI GUI 7:9

A cu mü Bawipa naw Kideon ang thumkhän cu, “Tho law ne phung cu tu hnim ä; cun ah khan ung näng nak kei naw ka ning pek khai nei.

JOSHUA 2:7

Ghangpughang ah chang gui hteit ba u khäta, mang ah m’kawt cu khai ci gui. Ngami naw ng’däät ciah Israel chang goi cu Jordan tuinu kah nak ah lam ung khüt ne shui ci gui.

1 SAMUEL 17:47

shin ung om ciah chang gui phung naw, Bawipa naw ak chang gui a hun nak gui vai ah khim la htei kä hlü ci, cicu hmuk khai gui nei. Ani cu ng’tuk nak ung näng nak ah huham kyong ung ning tha gui khai nei” cik ci.

SUKI GUI 7:24

Kideon naw Ephraim khogui avan ung chang tüi neta a pyen cu, “Kyum law u ne Midianit gui cu tu gui vä, Jordan tuinu la Bethbarah ung khüt sei tui hta güi khäm ne, Midianit gui naw kä kat ten hlawt khai gui ah k’pang vä,” cik ci. Epraim chang gui cu a täng ah khü gui u sei, ngami naw Jordan tuinu la Bethbarah tuihta ung khüt sei k’pang ci gui.

SUKI GUI 7:17

Ani naw am thein gui cu, “Kei phung eep ung ka gawk law ung, na teng u neta, ka bi ah mäih ah nami bi tu vai.

SUKI GUI 4:10

Barak naw Zebulun la Naphtali pakhui chang phia phia cu khü ne Kedesh ah hteh püi ci, Deborah cu ngami awn a täng ah hteit tuk ci.

SUKI GUI 3:29

Cu hnüüp ung ngami naw Moabit gakap akbä pi gui phya gha ngawn ci gui, a u phi kä phyawng ci.

SUKI GUI 7:14

A teihpüi naw m’shang ne, “Cun cu Israel ah khim, Joash ah hta Kideon ah kyak ci! A hei ah kä ng’phlan khai! Khanpughi naw ani am, Midian la mi gakap avan ah khan ah ng’näng nak pe pyi ci nei!”

SUKI GUI 10:11

Bawipa naw shincha ah m’shang gui ci, “Egypt gui, Amorit gui, Ammonit gui, Philistin gui,

1 GHANGPUGHANG GUI 20:21

Ghangpughang Ahab cu ng’tuk nak ah law ne, ng’se gui la yatha gui cu khäm ne, Siria gui cu aknui nget ne hnim gui ci.