SUKI GUI 3:27 - Cho Bible Common Language 2016

²⁷ Ani cu Ephraim khaw-gui ung gawk neta, k’phyung puuk tum ne Israel chang gui cu ng’tuk nak ah khü gui ci; cun kawn ah khaw-gui zung ka naw kyum law ba püi gui ci.

SUKI GUI 3:27 Referans Kwoze

1 SAMUEL 13:3

Jonathan naw, Geba ung philistin gabawi cu ngawn ci. Cun ah mawng cu philistin gui ami van naw ng’yak ci gui. Saul lah chang gui van naw ng’yak ci gui. Saul naw chang gui tüi gui ne, phyung puuk tum ne kho avan ung ng’shäu sak gui ne, ng’tuk nak ah ami law vai ah Hebrew chang gui khü sak gui ci.

SUKI GUI 6:34

Bawipa ah mümcha naw Kideon cu pha ne k’pan neta, cun ah chang gui gawt gui khai ah Abiezer pahta gui cu phyung puuk tum ne khü gui ci.

2 GHANGPUGHANG GUI 9:13

Cun vai am Jehu ah a paw gui bawi gui naw ami suinu gui hlaak ah khan ah Jehu naw angdüih nak vai ah k’phiat u ne, phyungheng tum ne, “Jehu cu Ghangpughang ah kyak ci nei” cine m’lau ci gui.

2 SAMUEL 20:22

Ani cu ang bü nak awn mang gaw chang gui ah dawng ba sei, ngami naw Sheba ah lu chüng ne, pang ah khan ung Joab am ak ghawh lawk ci gui. Ani naw mang gaw hteh tak nak vai ah m’hnüt nak ah phyung puuk tum sei, ngami cu ng’hlat ne ami im ah hteit ba ci gui. Joab cu Jerusalem ung ghangpughang ah hteit ba ci.

SUKI GUI 19:1

Israel gui ung ghangpughang kä a om pha ung, Shou ciah Epraim khaw-gui khaw ah Levit tumat om ci. Ani naw Judah khaw Bethlem ung ka hnumi hta chu na tu ba ci,

SUKI GUI 17:1

Hnü ät ung Mikah ming nak ciah chang tumat cu Ephraim khaw-gui ung om ci.

SUKI GUI 7:24

Kideon naw Ephraim khogui avan ung chang tüi neta a pyen cu, “Kyum law u ne Midianit gui cu tu gui vä, Jordan tuinu la Bethbarah ung khüt sei tui hta güi khäm ne, Midianit gui naw kä kat ten hlawt khai gui ah k’pang vä,” cik ci. Epraim chang gui cu a täng ah khü gui u sei, ngami naw Jordan tuinu la Bethbarah tuihta ung khüt sei k’pang ci gui.

SUKI GUI 5:14

Ngami cu Ephraim ungka khaw nawi ah lawk ci gui, Benjamin pakhui la ak chang gui ah hnu ah läk lawk ci gui. Gabawi gui cu Machira ungka lawk ci gui, Bawi gui cu Zebulun ungka lawk ci gui.

JOSHUA 17:18

Khawgui khaw cu nangmi ah kaa ah kyak ci. Bung ah a kyak pang ung phi, nangmi naw chuvaw u neta, vang cawi ungka naw vang cawi ung khüt sei, nami kaa nak vai. Kanaanit gui cu m’si-yatha ta u ne, gaigawng ciah chang ah ami kyak ung phi, nami k’täm gui vai nei.”

JOSHUA 17:15

Joshua naw m’shang gui ne, Nangmi cu chang nami da aih ah a kyak ung, Ephraim gui ah khawgui khaw cu, nangmi ah hmawk ah a läm aih ah a kyak ung, nangmi cu Perizzit la Rephaim khaw kyong bung hmu ah hteit ne, nami mät ah kaa vai ah m’dek cu k’sei vä” cik ci.

SUKI GUI 3:26

Ngami naw ami ngäng yah ung Ehud cu dawngei ci. Ani cu lung a gup gui phlän ne Seirah ah phyawng ne gawk ci.

SUKI GUI 10:1

Abimelek asih kawn ah Dodo ah tu, Puah ah hta, Tola om law ne Israel gui cu hun gui ci. Ani cu Issakha pakhui ung ka ah kia ne, Ephraim khaw-gui Shamiza ung om ci.

NEHEMIAH 4:14

Kei naw chang gui cu ng’ä ai u sei, ka hmu gui ci, cun ah kyasei kei naw ngami, ami ng’vai gui la ami bawi gui ka pyen nak gui cu, “Mi ga gui kä nami kyih en gui vai, bawi cu a i hlawk ah dämduh ne kyih vai kyak ci cicu nami shüm ba vai nei, Nami chang paw gui, nami htanau gui, nami chu gui la nami im gui ah phäh ah nami tuk vai nei.