SUKI GUI 3:2 - Cho Bible Common Language 2016

² Ani naw shin ah abi cu ang shon päng ung Israel chang gui am ng’tuk ah mawng am thei nak gui ah kyak ci, ak tung piah kä ng’tu tuman ci gui ah hmawk ah kyak ci.

SUKI GUI 3:2 Referans Kwoze

2 TIMOTHI 4:7

Kei cu ng’küükneet ne dawng nak ung ak ni pi bäih ah ka bi pyi ci nei, m’hnüt nak ung khüt sei ka dawng pyi ci nei, yum nak phi ka shum pyi ci nei.

2 TIMOTHI 2:3

Bawi Khrit Jesuh ah bekhüt ciah gakaap ah kya ne geinvai nak cu na dou vai nei.

1 TIMOTHI 6:12

Zum nak ah dawng nak ung na näng vai ah dawng ne, angtäi ghin nak cu nak pan vai nei: cun ah ghin nak na gah vai ah nang cu Khanpughi naw a ning khü yah ung, saksi ciah chang khli ah ma ah, Bawipa na yum ah mawng cu ak küikyang ah nang kiaa pyi ci nei.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

2 SHONTÄP NAK 12:8

Cun ung phi Shishak naw tu ne khäm gui khai, ngami naw kei ah bii bi la khomdek khan ah uktu ah bii bi ah anglak mah nak cu hmat lawk khai gui ciah kyak ci.

ATÜNNAK 3:7

Ngani cu ani ei vai am ani mik m’dei law sei, ani k’plui ah ani om cu hmat lawk ci goi. Khuhnah gui m’ghuh ne pyang ne ng’shung ci goi.

ATÜNNAK 3:5

Shin ah theih nami ei ah a kyak ung Khanpughi ah mäih ah nani kya tuk khai, akni akshe nani ng’thumcha thei khai, cun cu Khanpughi naw hmat neta a pyen ah kyak ci” cik ci.

ATÜNNAK 2:17

Cun ung phi akni la akshe m’khoichaa nak ah sing ghing ah m’theih cu kä na ei vai, na ei ah a kyak ung acun ah hnüüp ung na si khenggeng khai” cine m’cäi ci.

SUKI GUI 3:1

Cun ah kyasei Bawipa naw pakhui amshah gui cu cun ah khaw ung om sak gui lä ci, cun cu Kanaan khaw ng’tuk nak ung kä ng’tu tu man ciah Israel gui am nüm nak gui vai ah kyak ci.

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.