SUKI GUI 3:15 - Cho Bible Common Language 2016

¹⁵ Cun kawn ah Israel gui cu Bawipa ah ma ah kyap m’lau u sei, ngami m’hlawt gui khai ah chang tumat tüih gui ci. Ani cu Ehud ak eng ah ng’hlawi ci, Benjamin pakhui Kera ah hta ah kyak ci. Israel chang gui naw Ehud cu douthak vai hteh püi ne Moab ghangpughang Eglon ah hteh sak ci gui.

SUKI GUI 3:15 Referans Kwoze

SUKI GUI 3:9

Cun kawn ung Israel gui cu Bawipa ah ma ah kyap ne m’lau ci gui, cun ah kyasei ngami m’hlaut gui khai ah chang cu ani naw tüi lawk ci. Cun cu Kaleb ah nau ak hmaw pi Kenaz ah hta Othniela ah kyak ci.

SAM 78:34

Ani naw a ngawn gui ung k’pawih ba ci gui cu ani ah law ba ci gui; ngami cu ng’yu ba u ne, ani ah ma ah akni ah taigü ci gui.

ISAIAH 36:16

Hezekiah cu känami ngaih en vai nei! Assirian ghangpughang naw ning thumkhän gui ci, mang gaw k’pung ah lut law ne nami ng’paa vai nei. Nami mät ah sapyit ung ka ak thih nami ei khai, nami mät ah thei ghing ung ka thei ei u ne, nami mät ah tui shawk ung ka tui nami awk khai —

1 SHONTÄP NAK 12:2

Saul pahta, Benjamin pahta ungka gui ng’dawn lawk ci gui. Ngami cu li phi kap thei ci gui, ami k’eng k’pat awn yai li phi kap thei ci gui ah kyak ci.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

NG'THU K'THUUK~ 21:14

Chang tumat naw na khan ah am lung law ah a kyak ung, adüm ah m’cümhnah nak peit nak naw dim gei sak khai.

NG'THU K'THUUK~ 19:6

A chang pang naw bawimang naw am kum vai ah k’tha nak ci, A chang pang naw m’kum nak gah ciah chang awn khawt sheng vai ah bik ci.

NG'THU K'THUUK~ 18:16

Htingling ciah chang na hmuh hlü ung, m’cümhnah nak na thak vai, cun ung na hmu yai khai.

SAM 90:15

Cümbawng ne kami ghin nak gui ah kho kum ung thüi sei nak, na na pek gui chü ah yei kiai nak cu tuhbäi na pe gui ä.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

1 SAMUEL 10:27

Cun ung phi chang pyawipye gui naw, “Shin ah mi mät ah mäih chang naw a i hawi ah akni na bi pe gui hning khai aw?” cik ci gui. Ngami naw Saul cu päipih u ne, m’cümhnah nak a i phi kä law püi ci gui.

SUKI GUI 3:14

Israel gui cu Eglon gui ah ka ung khawkum gha-lei cheit om ci gui.

SUKI GUI 3:16

Ehud naw vang goi-vei ghat ne dawng lawk ciah shim cu pyang ci. Cun cu akpat täng aphei ung sui ah ka ung khit ne tha ci.

SUKI GUI 2:16

Cun kawn ah Bawipa naw Israel gui am, tu gui ciah ga gui ung hun gui khai ah ami ng’vai gui cu pe gui ci.

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

2 SAMUEL 20:9

Joab naw Amasa am, “Na gai ne ang, ka teih püi? cine, ng’ui khai hlawk ah akpat lam kut awn am gawng mu cu k’pang ci.

2 SAMUEL 20:10

Joab naw akut vangtäng ung a kawh ah khim cu, Amasa naw kä hmat ci, Joab naw apoi ung k’daih ne yak sei, ak chi lut law ne m’dek ung ng’zäi ci. Ani cu a cung sik ci, Joab naw a i ah phi kä ciba ci. Cun kawn ah Joab la anau Abishai naw Sheba cu läk ba ci goi.

1 SHONTÄP NAK 8:3

Bela ah htangshon gui cu Addar, Kera, Abihud,

1 SHONTÄP NAK 8:5

Kera, Shephuphan, la Huram.

2 SHONTÄP NAK 9:24

Ami chang sing naw Solomon am m’cümhnah nak thak law ci gui-Cun gui cu ngui, ghui, suinu, likhim gui, ang ui gui, ng’se gui la laa gui ah kyak ci. Acun ah akum tä sei bik ci gui.