SUKI GUI 3:11 - Cho Bible Common Language 2016

¹¹ Cun ah khaw ung khaw kum phlikip dimgei nak om ci, cun kawn ah Othniela cu sik ci.

SUKI GUI 3:11 Referans Kwoze

SUKI GUI 8:28

Midianit cu Israel gui naw ami hnim pyi ah kia ne kyin kyawk vai ah kä kya ba ci. Cun ah khaw cu Kideon a sih ung khüt ne khokum phli-kip ung dimdeeih ci.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

SUKI GUI 3:30

Cun hnüüp ung Israel gui naw Moab cu tu hnin ci gui, ami khaw cu khawtum cheitkip ung dimdeih ci.

JOSHUA 11:23

Joshua naw khaw avan khäm ci, cun cu Bawipa naw Moses am a thumkhän ah kyak ci. Joshua naw Israel gui am ami kaa nak vai ah pe gui ne, tän ne k’bou gui ci, khui ät naw bung ät ci gah ci gui. Cun ah kia ne chang gui cu ng’tuk nak ungka ng’düm ci gui.

ESTA 9:22

Cun ah hnüüp cu Jew gui naw ami ga gui ami hnim nak ah kyak ci, Cun ah cha cu thüisei, ayä nak ah khin ungka naw yeikyai lünlawi nak ah ng’hlah nak ah khin ah kyak ci. Cun ah kyasei cu hnüüp ung aküikyang ah ei awk pawi gui bi ne, ei ng’thak tu u ne, dukhaih ciam ei thak ne ami bi vai ah pyen na gui ci.

1 SHONTÄP NAK 4:13

Kenaz ung a htapa hnih om ci, Othniela la Seraiah ah kyak ci. Othniela ung a htapa hnih om ci, Hathath la Meonothai.

SUKI GUI 3:9

Cun kawn ung Israel gui cu Bawipa ah ma ah kyap ne m’lau ci gui, cun ah kyasei ngami m’hlaut gui khai ah chang cu ani naw tüi lawk ci. Cun cu Kaleb ah nau ak hmaw pi Kenaz ah hta Othniela ah kyak ci.

JOSHUA 15:17

Othniela, Kaleb ah phäi Keney ah hta naw mang gaw cu tu ne khäm sei, Kaleb naw a hta hnumi Achsah cu chu na sak ci.

SUKI GUI 3:10

Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

SUKI GUI 3:12

Israel chang gui cu Bawipa hnu ng’tuk püi ne sheka ba mä ci gui. Acun ah phäh ah Bawipa naw Moab ghangpughang Eglon cu Israel gui ah ta khüighat sak pi ci.

NEHEMIAH 9:28

Dimdeeih nak a gawk law ba ung, ngami cu katnak bi ba ci gui, cun ung nang naw ami ga gui am na näng ba sak gui ci. Cun ung phi ngami ng’zuu ba u ne, na hun gui vai ah ami thäh law ung, Khankho ah ka naw ng’yak pe gui ne, dämduh ciah na chimgein nak awn leng ba ba ne na gung gui ci.