SUKI GUI 3:10 - Cho Bible Common Language 2016

¹⁰ Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

SUKI GUI 3:10 Referans Kwoze

1 SAMUEL 11:6

Saul cu cun ng’ya neta, Khanpughi ah mümcha naw k’pang sei, m’lung she lawk ci.

SUKI GUI 14:19

Ang ghit ah Bawipa ah huham naw ani cu k’thamah sak khäta, ani cu Ashkelon ah yu kyum neta chang thum kip ngawn ne, ami sui k’ni gui sut ne, thuzi hmat hning ci chang gui am pe gui ci. Cun kawn ah ani cu, a im ah hteit ba ci, acun ah phäh ah m’lungshe ci,

SUKI GUI 14:6

Ang ghit ah Bawipa ah huham naw Samson cu kthamah sak sei, ani naw phongkawng cu Mehta ah mäih ah kaih ne hleei ci. Cun ung phi ani naw a i abi cu anu la apa am kä m’thein tu goi ci.

SUKI GUI 13:25

Ani cu Zorah la Esthaol ah ng’lak Dan phung ung a om sang ung Bawipa ah huhum naw tün ne kitha gui pek ci. Nazaret: cicu yu phi, sapyit tui phi kä aw ne, lu kä k’teiu ne, aksi kä tam ne, Khanpughi kyih aa ne, Khanpughi ung ng’ap ciah Chang ah kyak ci.

SUKI GUI 11:29

Cun kawn ah Bawipa ah Mumcha cu, Jephthah ah khan ah gawk lawk ci. Ani cu Kilead la Manasseh zung ah hteit neta, ng’hlat ne Kilead khaw Mizpah ung lawk ci, cun ungka naw Ammon ung hteit ba ci.

SUKI GUI 6:34

Bawipa ah mümcha naw Kideon cu pha ne k’pan neta, cun ah chang gui gawt gui khai ah Abiezer pahta gui cu phyung puuk tum ne khü gui ci.

2 SHONTÄP NAK 15:1

Khanpughi ah mümcha cu Oded ah htapa Azariah ah khan ah gawk law khäta,

KHEI NAK 24:2

Israel chang gui naw pakhui phäh phäh ah shaum co ne ami om cu hmu gui ci. Khanpughi ah mümcha naw ani cu k’pang khäta,

HEBRU 6:4

Lam hma ne ami yum nak ng’phleng pyi ciah chang gui cu a i chaa ah ng’yu ba sak gui thei vai ang? Ngah mi cu Khanpughi ah akdei ung, khankho m’cümhnah nak phi m’nüm tu shüm u ne, Mumcha Theing phi gah man ci gui ah kyak ci.

SAM 51:11

Na ma ungka kä na k’tääm men ä; Na Mumcha Theing kä na lak en pe ba ä.

2 SHONTÄP NAK 20:14

Chang hli ah ng’lung ah om ciah Levit tumat ah khan ah Bawipa ah mümcha cu gawk lawk ci. Ani ah ming cu Zekhariah ah hta Jahaziela ah kyak ci: ani cu Mattaniah, Jeiela la Benaiah gui ah ng’shon Asaph pahta ungka ah kyak ci.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

1 SAMUEL 10:6

Ang ghit ah Bawipa ah mümcha naw ning pang khai, nang cu yum nak ung lam nak la m’lau nak ung na ng’pawng tuk khai, nang cu hnga ciah chang ah na kyak khai.

KHEI NAK 27:18

Bawipa naw Moses pyen nak ci, Nun ah hta Joshua cu khü ä, ani cu bi hning khai nei, alu khan ah na kut taih ä.

KHEI NAK 11:29

Moses naw, “Nang cu kei ah hmawk ah ning m’ä tu ne ma? Kei naw ka ng’yak hlü cu Bawipa naw ang mümcha cu ak chang gui avan am a peik vai. Ngami ami van cu prophet ah mäih ah ami m’lau vai ah kyak ci.

KHEI NAK 11:25

Cun kawn ah Bawipa naw khaw ng’mei ung law neta, ng’thu püi ci. Ani naw Moses am a peik ah mümcha amshah cu la neta angvaihta chihkip am pe gui ci. Ngami ah khan ah mümcha gawk law khäta, ngami cu prophet gui ah mäih ah m’lau ci gui. Cun ung phi akshou kä m’lau ci gui.

KHEI NAK 11:17

Kei naw kyum law ne a cu ah ka ning thu püi khai. Kei naw nang am ka ning peik ah mümcha amshah cu la neta, ngami am ka pe gui khai. Shin ah chang gui ah phäh ah tängpang vai gui cu ngami naw ning bawm khai gui, na mät bäng naw na tängpang vai ah kä kyak khai.

SUKI GUI 3:8

Cun ah kyasei Bawipa naw Israel gui ah khan ah m’lungshe neta Mesopotamia ghangpughang Kushan Rishathaim ah tu ne näng sak ci, ani naw kum cheit ung uk gui ci.

SUKI GUI 3:11

Cun ah khaw ung khaw kum phlikip dimgei nak om ci, cun kawn ah Othniela cu sik ci.

1 SHONTÄP NAK 12:18

Khanpughi ah mümcha naw ngami ungka tumat, Amasai, “Thumkip” ah gabawi ah kya lawk khai cu k’pang khäta, ani cu m’lau ne, “Jesse ah hta David, keimi cu nang ah na chang gui nei! Nang la nang ning bawm ci gui cu näng nak om sä! Khanpughi cu nang täng ah om ci nei! cik ci. David naw ngami cu dou gui ne, gakap ung angvai gui ah tha gui ci.

SUKI GUI 11:32

Jephthah naw Ammonit gui tu gui khai ah tuinu hei kat sei, Bawipa naw näng nak pek ci.

SUKI GUI 15:14

Ani cu Lehi ung gawk law khäta, Philistin gui cu ani täng ah dawng law u ne, ani cu m’lau ci gui. Ang ghit ah Bawipa ah huham naw ani cu k’thamah nak pe sei, aban, a kut ung ami khih nak ah gui, gui cu mei ah uih ah pyai hta mäih ah kaih pit yawp ci.

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.